| e-texts navigator |
| Wylie |
114b1 ཐམས་ཅད་ཀྱིས་སྤྱོས་ནས་ཁ་ཟས་མ་སྟེར་ཏེ་ཤིན་ཏུ་ཉམ་ཐག་པར་གྱུར་ལ། ལམ་ནས་རྒྱལ་པོ་བྱི་མ་སེ་ན་ཡང་ཚེ་འཕོས་པའི་གཏམ་ཐོས་པས་ཐོག་མ་རེ་བའི་སེམས་ལྟར་མ་གྱུར་པས། མྱ་ངན
114b2 གྱིས་ཡི་མུག་སྟེ་སྙིང་བདུན་དུ་གས་ནས་ཁྲག་ཏུ་སྐྱུགས་ཏེ་ཚེ་འཕོས་སོ། ། རྒྱལ་པོ་བྱི་མ་སེ་ན་དང་། བྲམ་ཟེ་གཉིས་ཀ་ཚེ་འཕོས་ནས། མཚམས་མེད་པའི་སེམས་ཅན་དམྱལ་བར་སྐྱེས་སོ།།
114b3 རྒྱལ་པོ་དེའི་མྱ་ངན་གྱིས་གདུངས་ཏེ་ཚེ་འཕོས་པ་རྣམས་ནི་མཐོ་རིས་ཀྱི་ལྷར་སྐྱེས་སོ།། ཀུན་དགའ་བོ་དེའི་ཚེ་དེའི་དུས་ན་རྒྱལ་པོ་ཟླ་འོད་དེ་ནི་ད་ལྟར་ང་ཡིན་ནོ།། རྒྱལ་པོ་བྱི་མ་སེ་ན་དེ་ནི་བདུད་སྡིག་ཏོ།
114b4 ཅན་ཡིན་ནོ།། དེའི་དུས་ན་བྲམ་ཟེ་དེ་ནི་ལྷ་སྦྱིན་ཡིན་ནོ།། དེའི་ཚེ་ན་ཤིང་གི་ལྷ་དེ་ནི་མོ་འགལ་ཡིན་ནོ།། དེའི་ཚེ་ན་བློན་པོ་ཟླ་བ་ཆེན་པོ་དེ་ནི་ཤཱ་རིའི་བུ་ཡིན་ཏེ། དེའི་ཚེ་ཡང་ང་ཚེ་འཕོ་བར་མི
114b5 བཟོད་ནས་སྔར་ཚེ་འཕོས་སོ། ། དེང་གི་དུས་འདིར་ཡང་ང་མྱ་ངན་ལས་འདའ་བ་མཐོང་བར་མི་བཟོད་ནས། སྔར་མྱ་ངན་ལས་འདས་པ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་གསུངས
114b6 ནས་ཚེ་དང་ལྡན་པ་ཀུན་དགའ་བོ་དང་། འཁོར་གཞན་དག་སྐད་མཐུན་པར་དེ་བཞིན་གཤེགས་པའི་ཡོན་ཏན་ནི་ངོ་མཚར་རྨད་དོ་ཞེས་བསྔགས་ནས། བསྒོམ་པ་ལ་ནན་ཏན་བྱས་པས།
114b7 ཁ་ཅིག་དགེ་སྦྱོང་གི་འབྲས་བུ་བཞི་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་གྱུར་ཏེ་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། རྒྱལ་པོ་བླ
iiif viewer powered by OpenSeadragon
