| e-texts navigator |
| Wylie |
112b1 ཀྱི་ཁྲི་དང་། ཆུ་ཚན་ཁོལ་མ་དང་། ངན་སྐྱུགས་དང་། མེའི་ཤིང་རྟ་དང་། མེ་དོང་ལ་སོགས་པའི་སེམས་ཅན་དམྱལ་བར་ཡུན་རིང་པོར་སྡུག་བསྔལ་མྱོང་སྟེ། བཙོ་བ་དང་བསྲེག་པ་ལ་སོགས
112b2 པས་ལུས་འདི་གྲངས་མེད་པར་ཆུད་ཟོས་ཀྱང་བསོད་ནམས་འགའ་ཙམ་ཡང་མེད་དོ། ། གལ་ཏེ་དུད་འགྲོའི་སྐྱེ་གནས་སུ་སྐྱེས་ན། གཅིག་ལ་གཅིག་འཆའ་ཞིང་ཟ་བ་དང་། གཞན་གྱིས་བསད་དེ
112b3 ཀུན་གྱིས་ཟོས་པ་དང་། ཚེ་བཕོས་ནས་རུལ་ཞིང་མྱགས་པ་ཡང་གྲངས་མེད་དེ། དེ་ལྟར་ལུས་འདི་ཆུད་ཟོས་ཀྱང་བསོད་ནམས་སུ་གྱུར་པ་མེད་དོ།། ཡི་དགས་ཀྱི་ཁམས་སུ་སྐྱེས་ན་ལུས་ལ་མེ་འབར
112b4 ཏེ། འཁོར་ལོས་མགོ་བཅད་མ་ཐག་ཏུ་ཕྱིར་ཡང་སོས་པ་གྲངས་མེད་པ་ཞིག་མྱོང་སྟེ། དེ་ལྟར་ལུས་ཆུད་ཟོས་ཀྱང་བསོད་ནམས་སུ་གྱུར་པ་མེད་དོ།། གལ་ཏེ་མིར་སྐྱེས་ན་ཡང་ནོར་དང་བུད་མེད་ཀྱི
112b5 ཕྱིར་ཁྲོ་བརྔམ་པས། མིག་བགྲད་དེ་གཅིག་ལ་གཅིག་འཚེ་ཞིང་གསོད་པ་དང་། གཡུལ་ངོར་ལྷགས་ནས་གཅིག་ལ་གཅིག་གསོད་དེ། དེ་ལྟར་ལུས་ཆུད་ཟོས་པ་དང་། འདོད་ཆགས་དང་། ཞེ་སྡང་དང་།
112b6 གཏི་མུག་གི་ལུས་གྲངས་མེད་པ་ཞིག་བོར་ཡང་བསོད་ནམས་སུ་མ་གྱུར་ཏེ། བདག་གི་ལུས་འདི་ཡོངས་སུ་གཏང་བར་བྱའོ།། བདག་གི་ལུས་འདི་ནི་མི་གཙང་བ་རྣམ་པ་སྣ་ཚོགས་ཀྱི་ཕུང་པོ་སྟེ། རིང
112b7 པོ་མི་ཐོགས་པར་འཇིག་ཅིང་འབྲལ་བར་འགྱུར་བས། མི་བརྟན་ཞིང་བཙོག་པའི་མགོ་འདིས་ཕན་པའི་དོན་ཆེན་པོར་འགྱུར་ན། ཅིའི་ཕྱིར་སྦྱིན་པར་མི་བྱ། ངའི་མགོ་བོ་འདི་བྲམ་ཟེ་དེ་ལ་བྱིན་ཏེ། བསོད
iiif viewer powered by OpenSeadragon
