| e-texts navigator |
| Wylie |
106a1 གཉེན་མེད་པར་འགྱུར་རོ། ། དེ་ནས་ཤཱ་རིའི་བུས། འཁོར་མང་པོ་ལ་སྨྲས་པ། ཐམས་ཅད་མི་རྟག་པ་སྟེ། སྐྱེ་བ་ཡང་མཐར་འཆི་ལ
106a2 ཁམས་གསུམ་ནི་སྡུག་བསྔལ་བ་དང་བཅས་པས་ན་གང་ཞིག་བདེ་བར་འགྱུར། ཁྱེད་ནི་སྔོན་གྱི་དགེ་བའི་རྩ་བ་ལས་སངས་རྒྱས་འཇིག་རྟེན་དུ་གཤེགས་པ་དང་ཡང་ཕྲད་སོང
106a3 ཀྱི་མདོ་སྡེ་དང་ཆོས་ཐོས་པ་ཡང་ཤིན་ཏུ་ཡང་དཀའ། མི་ལུས་ཐོབ་པ་ཡང་ཤིན་ཏུ་དཀའ་བ་ཡིན་གྱིས། བསོད་ནམས་ཀྱི་ཚོགས་སུ་འགྱུར་ཞིང་འཁོར་བ་ལས
106a4 གྲོལ་བའི་ལས་ལ་བརྩོན་པར་གྱིས་ཤིག་ཅེས། ཐབས་མཁས་པ་རྣམ་པ་སྣ་ཚོགས་ཀྱིས་འཁོར་མང་པོ་ལ་ཇི་ལྟར་ན་བ་ལ་སྨན་གཏོང་བ་བཞིན་དུ་རྒྱ་ཆེར་བསྟན་ཏེ། འཁོར་མང
106a5 པོས་ཆོས་བསྟན་པ་ཐོས་ནས། ཁ་ཅིག་ནི་འབྲས་བུ་དང་པོ་ནས། འབྲས་བུ་གསུམ་པའི་བར་དུ་ཐོབ་པར་གྱུར། ཁ་ཅིག་ནི་རབ་ཏུ་བྱུང་ནས་དགྲ་བཅོམ་པར་གྱུར། ཁ་ཅིག
106a6 ནི་རང་སངས་རྒྱས་སུ་གྲུབ་པར་ཡི་དམ་བཅས་ཏེ། ཆོས་བསྟན་པ་ཐོས་ནས་ཕྱག་འཚལ་ཏེ་སོ་སོར་དོང་ངོ་།། དེ་ནས་ཤཱ་རིའི་བུ་དེའི་ནུབ་མི་ནམ་གྱི་ཆ་སྨང་ལ་ལུས་དང་སེམས་དྲང
106a7 པོར་བཞག་སྟེ། སེམས་རྩེ་གཅིག་ཏུ་བསམ་གཏན་དང་པོ་ལ་ཞུགས་སོ།། བསམ་གཏན་དང་པོ་ལས་བྱུང་ནས། བསམ་གཏན་གཉིས་པ་ལ་ཞུགས་བསམ
iiif viewer powered by OpenSeadragon
