| e-texts navigator |
| Wylie |
104a1 ཀྱིས་བཀའ་སྩལ་པ། ངས་བཏུལ་བའི་སེམས་ཅན་ནི་སེན་མོའི་སྟེང་གི་ས་དང་འདྲའོ།། གང་མ་བཏུལ་བ་ནི་ས་ཆེན་པོ་དང་འདྲའོ།། བཅོམ་ལྡན་འདས
104a2 ཀྱིས་བདུད་སྡིག་ཏོ་ཅན་ལ་བཀའ་སྩལ་པ། ད་སྟེ་ཟླ་བ་གསུམ་ན་ང་ཡོངས་སུ་མྱ་ངན་ལས་འདའ་བོ་ཞེས་བཀའ་སྩལ་པ། བདུད་སྡིག་ཏོ་ཅན་གྱིས་ཐོས་ནས་རབ་ཏུ་དགའ་མགུ
104a3 རངས་ཏེ་ཕྱིར་དོང་ངོ་། ། དེའི་ཚེ་ཀུན་དགའ་བོ་ཚལ་གྱི་ནང་ན་གཉིད་ལོག་ནས། རྨི་ལམ་དུ་ཤིང་ཆེན་པོ་ནམ་མཁའི་ཁམས་ཀུན་ཏུ་ཡོག་པ། ཡལ་ག་དང་། ལོ་མ་དང་། མེ་ཏོག
104a4 དང་འབྲས་བུ་ཤིན་ཏུ་རྒྱས་པ། འགྲོ་བ་ཐམས་ཅད་ལ་ཕན་པའི་དོན་དུ་འགྱུར་བ། ཤིང་དེ་ལ་ཡོན་ཏན་བརྗོད་ཀྱིས་མི་ལང་བ། རྣམ་པ་སྣ་ཚོགས་དང་ལྡན་པ་ཞིག་རྨིས་ཏེ། རིང་པོ
104a5 མ་ལོན་པར་རླུང་ཆེན་པོ་ལངས་ནས། ཡལ་ག་དང་ལོ་མ་ཀུན་གྲུགས་ཏེ། རྡུལ་བཞིན་དུ་འཐོར་ནས་ཀྱང་སྟོབས་པོ་ཆེའི་གནས་སུ་མེད་པར་གྱུར་ཏེ། འགྲོ་བ་ཐམས་ཅད་ཤིན་ཏུ་མྱ
104a6 ངན་བྱེད་པ་སྙམ་རྨིས་ནས། སད་པ་དང་མི་བདེ་ཞིང་སྐྲག་པར་གྱུར་ཏེ། འདི་སྙམ་དུ་བསམས་སོ།། བདག་གིས་ལྷ་དང་མི་ཐམས་ཅད་ལ་ཕན་པའི་དོན་དུ་འགྱུར་བའི་ཤིང་ཆེན་པོ་ཡོན
104a7 ཏན་ཐམས་ཅད་དང་ལྡན་པ་གཅིག་རྨིས་ན། རིང་པོ་མ་ལོན་པར་རླུང་ཆེན་པོས་གཏོར་ཏེ་མེད་པར་བྱས་པ་འདི་བཅོམ་ལྡན་འདས་ནི་ཤིང་ཆེན་པོ་དང་འདྲ་བ་ཐམས་ཅད་ཀྱི་སྐྱབས་སུ་གྱུར་ན།
iiif viewer powered by OpenSeadragon
