| e-texts navigator |
| Wylie |
103a1 པ་ལ་སོགས་པའི་བསྒྲུབ་ཚོགས་གསུམ་མནོས་ནས་དང་ཚེ་གཅིག་ཕུལ་ལོ། ། དེའི་དབང་གིས་གང་ནས་གང་དུ་སྐྱེས་ཀྱང་ལོངས་སྤྱོད་དང་རིན་པོ་ཆེར་ལྡན་ཏེ། འཕོངས
103a2 པ་མེད་པར་གྱུར་ཏོ། ། ཀུན་དགའ་བོ་དེའི་ཚེ་དེའི་དུས་ན། ཁྱིམ་བདག་དེ་ནི་དགེ་སློང་རིགས་གཉིས་པ་འདི་ཡིན་ཏེ། སངས་རྒྱས་ལ་དྲོང་ཚེ་གཅིག་ཕུལ་བས་བསྐལ་བ་དགུ་བཅུ་རྩ་གཅིག
103a3 གི་བར་དུ་ལོངས་སྤྱོད་ཆེན་པོ་དང་ལྡན་པར་གྱུར། ད་ལྟར་གྱི་ཚེ་འདི་ལ་ཡང་ཕ་མ་གཉིས་ཀྱི་ཁྱིམ་ན་ལོངས་སྤྱོད་བདོག་པ་དབང་བར་གྱུར་ཏེ། སྲོག་མི་གཅོད་པའི་བསླབ་ཚིགས་མནོས
103a4 བས་ཆུར་ལྷུང་སྟེ། ཉའི་ལྟོར་སོང་ཡང་མ་ཤིའོ།། དཀོན་མཆོག་གསུམ་ལ་སྐྱབས་སུ་སོང་བསང་དང་ཕྲད་ནས་དགྲ་བཅོམ་པར་གྱུར་ཏོ།། དེའི་ཚེ་ཀུན་དགའ་བོ་དང་། འཁོར་མང
103a5 པོ་རྣམས་སངས་རྒྱས་ཀྱིས་བསྟན་པ་ལ་རྗེས་སུ་ཡི་རང་ནས་མངོན་པར་དགའ་འོ། ། རིགས་གཉིས་པའི་ལེའུ་སྟེ་ཉི་ཤུ་རྩ་གཅིག་པའོ།། །། བམ་པོ
103a6 དྲུག་པ། རྒྱལ་པོ་ཟླ་འོད་ཀྱིས་མགོ་བྱིན་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཡངས་པ་ཅན་གྱི་ཨ་མྲའི་ཚལ་ན
103a7 བཞུགས་སོ། ། དེའི་ཚེ་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། རྫུ་འཕྲུལ་གྱི་རྐང་པ་བཞི་ཐོབ་ན། བསྐལ་པ་གཅིག་གི་བར
iiif viewer powered by OpenSeadragon
