| e-texts navigator |
| Wylie |
102b1 འབྱུང་བར་གནང་བ་དང་། ཁྱེའུ་དེས་སངས་རྒྱས་གང་ན་བ་དེར་སོང་ནས་དེར་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བདག་སངས་རྒྱས་ཀྱི་བསྟན་པ
102b2 ལ་རབ་ཏུ་འབྱུང་ངོ་ཞེས་གསོལ་ཏོ། ། དེ་ལ་བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་ནས་དགེ་སློང་དུ་གྱུར་ཏེ། མིང་ཡང་རིགས་གཉིས
102b3 པ་ཞེས་བཏགས་སོ། ། དགེ་སློང་རིགས་གཉིས་པ་ལ། བཅོམ་ལྡན་འདས་ཀྱིས་དམ་པའི་ཆོས་བསྟན་ནས། སྡུག་བསྔལ་གྱི་མཐར་ཕྱིན་ཏེ། དེ་ཉིད་དུ་དགྲ་བཅོམ་པར་གྱུར་ཏོ།།
102b4 དེ་ལ་དགེ་སློང་དག་ཐེ་ཚོམ་སྐྱེས་ཏེ། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་རིགས་གཉིས་པ་འདི་སྔོན་དགེ་བའི་རྩ་བ་ཅི
102b5 བསྐྲུ་ན་ན། ཆབ་ཏུ་ལྷུང་སྟེ་ཉའི་ལྟོར་མཆིས་ཀྱང་གུམ་པར་མ་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ཁྱོད་རྟག་པར་ཉོན་ཅིག། སྔོན་སངས་རྒྱས་རྣམ་པར
102b6 གཟིགས་ཞེས་བྱ་བ་འཇིག་རྟེན་དུ་གཤེགས་ཏེ། སྐྱེ་བོ་མང་པོ་ལ་ཆོས་སྟོན་ཏོ།། དེའི་ཚེ་ཁྱིམ་བདག་ཁ་ཅིག་ཀྱང་འཁོར་དེར་འོངས་ཏེ། བཅོམ་ལྡན་འདས་ཀྱིས་སྦྱིན་པ་བྱིན་པའི་བསོད་ནམས
102b7 དང་ཚུལ་ཁྲིམས་བསྲུངས་པའི་ཡོན་ཏན་ལ་སོགས་པ་རྒྱ་ཆེར་བསྟན་པ་ཐོས་ནས། ཤིན་ཏུ་དགའ་མགུ་རངས་ཏེ་བསམ་པ་དག་པའི་དད་པ་སྐྱེས་ནས། སངས་རྒྱས་དེ་ལས་སྲོག་མི་གཅོད
iiif viewer powered by OpenSeadragon
