| e-texts navigator |
| Wylie |
101b1 པར་གྱུར་ཏེ། ཟླ་བ་ཚང་ནས་ཁྱེའུ་ཞིག་བཙས་སོ།། ཁྱེའུ་དེ་ཡང་མཛེས་ཤིང་སྡུག་པ་ཞིག་སྟེ། ཕ་མ་དང་གཉེན་བཤེས་ཀུན་དགའ་ནས་བཙས་སྟེན་བྱས་ནས། ཆུ་བོ་ཞིག་གི་འགྲམ
101b2 དུ་འདུས་ཏེ་བཙས་སྟོན་ཟོས་སོ། ། ཆུ་འགྲམ་ན་བཙས་སྟོན་ཟ་བའི་ཚེ། ཀུན་གྱིས་ཁྱེའུ་བལྟ་བའི་ཕྱིར་གཅིག་གི་པང་བར་ཁྱེའུ་བླངས་ནས། ཡང་གཅིག་གི་པང་པར་ཕྱིན་ཏོ།། དེ་བཞིན་དུ།
101b3 གཅིག་ནས་གཅིག་ཏུ་བརྒྱུད་པའི་ཚེ། གཅིག་གིས་ལེ་ལོ་བྱས་ནས་བུ་ཤོར་ཏེ་ཆུར་ལྷུང་ནས་ཆུས་ཁྱེར་ཏོ།། ཁྱེའུའི་བསོད་ནམས་ཀྱི་མཐུས་ལས་མ་ཟད་པས། ཚོམ་འཕོས་པར་ཉ་ཞིག
101b4 གིས་མིང་ནས། ཉའི་ལྟོ་ན་གསོན་པོར་འདུག་གོ། ཆུ་བོ་དེའི་མཇུག་ན་ཡང་གྲོང་ཞིག་ཡོད་དེ། གྲོང་དེ་ན་ཡང་ཁྱིམ་བདག་ཕྱུག་པོ་བུ་མེད་པ་ཞིག་འདུག་གོ། ཁྱིམ་བདག་དེའི་བྲན་ཞིག་ཆུ།
101b5 བོཔོའི་འགྲམ་ན་ཉ་གཤོར་བ་ལས། ཉས་བུ་མིད་པ་ཟིན་ནས་ལྟོ་བཀས་པ་དང་། ལྟོ་ནས་བུ་ཁྱེའུ་ཞིག་བྱུང་ནས། བྲན་དེས་ཁྱེར་ཏེ་ཇོ་མོ་ལ་ཕུལ་ལོ།། ཁྱིམ་བདག་གི་ཆུང་མས་ཁྱེའུ
101b6 དེ་བླངས་ཏེ་བལྟས་ན། ཁྱེའུ་མཚན་དང་ལྡན་པ་བཟང་པོ་ཞིག་སྟེ། རབ་ཏུ་དགའ་ནས་བདག་ཅག་གིས་ལྷ་ཀུན་ལ་གསོལ་བ་བྱས་པའི་རྟགས་འདི་ཡིན་ནོ་སྙམ་ནས། མ་མ་ལ་གཏད
101b7 དེ་གསོས་སོ། ། དེའི་གྲོང་ལྟག་མའི་ཁྱིམ་བདག་གིས། གྲོང་འོག་མའི་ཁྱིམ་བདག་གིས་ཉའི་ལྟོ་ནས་བུ་ཞིག་རྙེད་དོ་ཞེས་ཐོས་ནས། དེ་ནི་གདོན་མི་ཟ་བར་བདག་གི་བུ་ཆུར་ལྷུང་བ་ཡིན
iiif viewer powered by OpenSeadragon
