| e-texts navigator |
| Wylie |
101a1 སྔོན་ཆུ་བུམ་པ་གང་དང་། གསེར་གྱི་དོང་ཚེ་དང་། མེ་ལོང་གཅིག་ཕུལ་བས་སྐྱེ་བ་ཐམས་ཅད་དུ་བཟང་ཞིང་མཛེས་པ་དང་། མདོག་གསེར་གྱི་ཁ་དོག་ཅན་དུ
101a2 རྟག་ཏུ་འཚེར་བར་གྱུར་ཏོ། ། དེ་ལྟར་བསྐལ་པ་དགུ་བཅུ་རྩ་གཅིག་གི་བར་དུ་དེ་འདྲ་བར་གྱུར་ཏོ།། དེའི་ཚེ་ན་ཤིན་ཏུ་དང་བའི་སེམས་ཀྱིས་ཕུལ་བས། ད་འདིར་འཁོར་བའི་མཐར་ཕྱིན་ཏེ།
101a3 དགྲ་བཅོམ་པར་གྱུར་ཏོ།། ཀུན་དགའ་བོ་དེ་བས་ན། བསོད་ནམས་ཀྱི་ཕྱོགས་སུ་འགྱུར་བའི་ལས་ནི་གང་ཡང་མི་བྱར་མི་རུང་ངོ་།། དབུལ་པོ་དེས་སྦྱིན་པ་ཅུང་ཟད་བྱས་པས་བསོད་ནམས
101a4 ཀྱི་ཕུང་པོ་ཚད་མེད་པ་འདི་ལྟ་བུ་དག་ཐོབ་པར་གྱུར་ཏོ། ། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཀུན་དགའ་བོ་དང་། འཁོར་མང་པོའི་རྣམས་སྦྱིན་པའི་བསོད
101a5 ནམས་ཀྱི་ཚོགས་བསགས་པའི་སེམས་སྐྱེས་ཏེ་རྗེས་སུ་ཡི་རང་ནས་མངོན་པར་དགའ་འོ། ། གསེར་ལྷའི་ལེའུ་སྟེ་ཉི་ཤུའོ།། ། རིགས་གཉིས་པའི་ལེའུའོ།།
101a6 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཡུལ་དེ་ན
101a7 ཁྱིམ་བདག་ཕྱུག་པོ་ཞིག་རིགས་མཉམ་པ་ལས་ཆུང་མ་བླངས་ནས་བུ་མེད་པས་ཤིན་ཏུ་མི་དགའ་སྟེ། ལྷ་ཀུན་ལ་གསོལ་བ་བཏབ་པ་ལས། ཕྱེ་ཞིག་ན་ཆུང་མ་སེམས་ཅན་དང་ལྡན
iiif viewer powered by OpenSeadragon
