| e-texts navigator |
| Wylie |
100b1 ཞེས་སྨྲས་པ་དང་། ཁྱོད་མི་ཤེས་སམ། གྲོང་ཁྱེར་འདིར་འཕགས་པའི་དགེ་འདུན་དག་གཤེགས་ཏེ། ཁྱིམ་བདག་ཕྱུག་པོ་དེ་ཀུན་མཆོད་པ་བྱེད་ན། བདག་ཅག་འབའ་ཞིག་ཅི
100b2 ཡང་དབུལ་དུ་མེད་དེ། ད་འདིར་མ་ཕུལ་ན་སྐྱེ་བ་ཕྱི་མ་ལ་གར་འགྲོ་སྙམ་སྟེ་མི་དགའ་འོ།། ཆུང་མས་སྨྲས་པ། ཁྱོད་སོང་ལ་བདག་ཅག་གི་མཛོད་ཁང་རྙིང་དུ་ཚོལ་ཞིག་དང་། ལུས།
100b3 པ་ཅུང་ཟད་ཡོད་ཀྱང་སྲིད་ཀྱིས། གལ་ཏེ་སྣ་འགའ་ཞིག་རྙེད་ན་དབུལ་ལོ་ཞེས་སྨྲས་ནས། མཛོད་ཁང་རྙིང་དུ་བཙལ་ན། གསེར་གྱི་དོང་ཚེ་ལུས་པ་གཅིག་རྙེད་དོ།། ཆུང་མ་ལ་ཡང་མེ
100b4 ལོང་གཅིག་ཅིག་ཡོད་དེ། ཁྱོ་ཤུག་གཉིས་ཀྱིས་བུམ་པ་གསར་པ་གཅིག་ཅིག་ཀྱང་ཉོས་ནས། བུམ་པའི་ནང་ཆུ་གཙང་མས་བཀང་སྟེ། གསེར་གྱི་དོང་ཚེ་གཅིག་ནང་དུ་བཅུག་ནས། མེ
100b5 ལོང་གིས་ཁ་བཅད་དེ། ཆུའི་བུམ་པ་ཐོགས་ནས་དགེ་འདུན་ལ་ཕུལ་ལོ།། དགེ་འདུན་གྱིས་ཀྱང་བཞེས་ནས། ཆུ་དེ་ལ་ཁ་ཅིག་གིས་ནི་འཐུངས། ཁ་ཅིག་གིས་ནི་ཁ་ལག་དང་ལྷུང
100b6 བཟེད་བཀྲུས་ཏེ། ཁྱིམ་བདག་ཁྱོ་ཤུག་གཉིས་དེར་དགེ་འདུན་གྱིས་སྤྱད་པ་མཐོང་ནས། རབ་ཏུ་དགའ་མགུ་རངས་ཏེ་ཕྱིར་ཁྱིམ་དུ་སོང་ངོ་།། དེ་ནས་རིང་པོ་མ་ལོན་པར་ནད་ཀྱིས་བཏབ་ནས།
100b7 ཁྱོ་ཤུག་གཉིས་ཚེ་འཕོས་ཏེ་སུམ་ཅུ་རྩ་གསུམ་གྱི་ལྷར་སྐྱེས་སོ།། ཀུན་དགའ་བོ་དེའི་ཚེ་དེའི་དུས་ན། དབུལ་པོ་ཁྱོ་ཤུག་གཉིས་ཆུའི་བུམ་པ་ཕུལ་བ་དེ་ནི་གསེར་ལྷ་ཁྱོ་ཤུག་གཉིས་ཡིན་ནོ།།
iiif viewer powered by OpenSeadragon
