| e-texts navigator |
| Wylie |
314a1 ཡི་གེ་དྲུག་པའི་རིག་སྔགས་འདི་ནི་ཡོངས་སུ་སྲུང་བ་དང་། བདག་ཉིད་བཀྲ་ཤིས་པར་བྱེད་པ་ཡིན་ཏེ། གསོད་པའི་ནི་ཆད་པས་གྲོལ་བར་འགྱུར་རོ།། ཆད་པས་བཅད་པ་ནི་བརྒྱད་པས་བྲལ
314a2 བར་འགྱུར་རོ། ། བརྒྱད་པར་འོས་པ་ནི་ཡང་དེ་བཞིན་དུ་སྨྲས་པས་བྲལ་བར་འགྱུར་རོ།། ཀུན་དགའ་བོ་ངས་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པའི་འཇིག་རྟེན་ན། དགེ་སྦྱོང་དང་བྲམ་ཟེར
314a3 བཅས་པའི་སྐྱེ་དགུའི་ཚེགས་དང་། ལྷ་དང་མི་རྣམས་ལས་གང་ཞིག་ཡིག་དྲུག་པའི་རིག་སྔགས་འདིས་བསྲུང་བ་བྱས་ནས། བསྲུང་སྐུད་དཔུང་པ་ལ་བཏགས་ན་བཀྲ་ཤིས་པར་བྱེད་དེ། ལས་ཀྱི་རྣམ་པར་སྨིན་པ་མ
314a4 གཏོགས་པར་གཞན་ཟིལ་གྱིས་གནོན་པར་ནུས་པ་དེ་ལྟ་བུ་ཡང་དག་པར་རྗེས་སུ་མ་མཐོང་ངོ་། ། དེ་ནས་གདོལ་པའི་བུ་མོ་གཟུགས་བཟང་མོས་དེ་ཉིད་ཀྱི་མཚན་མོ་ལུས་ཁྲུས་བྱས། གོས་གསར་པ་དགོས་ནས། མུ་ཏིག
314a5 གི་དོ་ཤལ་གྱིས་བརྒྱན་ཏེ། གྲོང་ཁྱེར་མཉན་ཡོད་ག་ལ་བ་དེ་ནས་བྱུང་སྟེ་སོང་ནས། གྲོང་ཁྱེར་གྱི་སྒོ་དྲུང་དུ་བསྡད་དེ། ཚེ་དང་ལྡན་པ་ཀུན་དགའ་བོ་འོང་བ་ལ་སྡོད་ཅིང་ངེས་པར་འདིར་དགེ་སློང་ཀུན་དགའ་བོ་འོང
314a6 ངོ་ཞེས་སེམས་སོ། ། དེ་ནས་ཀྱང་ཚེ་དང་ལྡན་པ་ཀུན་དགའ་བོ་སྔ་དྲོའི་དུས་སུ་ཆོས་གོས་དང་ལྷུང་བཟེད་ཐོགས་ནས། མཉན་ཡོད་དུ་བསོད་སྙོམས་ལ་ཞུག་སོ།། གདོལ་པའི་བུ་མོ་དེས་ཚེ་དང་ལྡན་པ་ཀུན་དགའ་བོ་རྒྱང
314a7 རིང་པོ་ནས་འོང་བ་མཐོང་ངོ་། ། མཐོང་ནས་ཀྱང་ཚེ་དང་ལྡན་པ་ཀུན་དགའ་བོའི་ཕྱི་བཞིན་དུ་འབྲང་ངོ་།། འདུག་ན་འདུག་ཅིང་། འགྲོ་ན་འགྲོ་བར་བྱེད་དོ།། ཁྱིམ་གང་དང་གང་དུ་བསོད་སྙོམས་ལ་ཞུག་པ་དེ་དང་དེར་སྐོར་ཅིང
iiif viewer powered by OpenSeadragon
