| e-texts navigator |
| Wylie |
312a1 ཀྱང་དེ་ནས་ཆུ་ཆུས་ལ་བྱིན་ཅིག། བཏུང་བར་བྱའོ།། དེ་ནས་གདོལ་པའི་བུ་མོ་གཟུགས་བཟང་མོས་ཚེ་དང་ལྡན་པ་ཀུན་དགའ་བོ་ལ་ཆུ་བྱིན་ནོ།། དེ་ནས་ཚེ་དང་ལྡན་པ་ཀུན་དགའ་བོས་ཆུ
312a2 འཐུངས་ནས་སོང་ངོ་། ། དེ་ནས་གདོལ་པའི་བུ་མོ་གཟུགས་བཟང་མོས་ཚེ་དང་ལྡན་པ་ཀུན་དགའ་བོའི་བཞིན་དང་། ལུས་དང་། སྐང་གདངས་རྣམས་རབ་ཏུ་ལེགས་པར་མཚན་མར་བཟུང་སྟེ། ཚུལ་མ་ཡིན།
312a3 པའི་ཡིད་ལ་བྱེད་པས་ཀུན་ཏུ་ཆགས་པ་སྐྱེས་པར་གྱུར་ཏེ། ཚེ་དང་ལྡན་པ་ཀུན་དགའ་བོ་ལ་ཁོ་མོའི་འདོད་པ་སྐྱེས་ན།། བདག་གི་མས་རིག་སྔགས་ཤེས་པས། དེའི་མཐུས་འཕགས་པ་ཀུན་དགའ་བོ་བཀུག་ལ་ཁྱེ
312a4 བྱའོ་སྙམ་དུ་བསམས་སོ། ། དེ་ནས་གདོལ་པའི་བུ་མོ་གཟུགས་བཟང་མོ་ཆུ་ཐོགས་ནས། གདོལ་པའི་ཁྱིམ་གང་ན་བ་དིར་སོང་སྟེ་ཕྱིན་ནས། ཆུ་བུམ་ཕྱོགས་གཅིག་ཏུ་བཞག་ནས་རང་གི་མ་ལ་འདི་སྐད་ཅེས་སྨྲས་སོ།། ཀྱེ་ཡུམ
312a5 མཁྱེན་པར་མཛོད་ཅིག་ཀུན་དགའ་བོ་ཞེས་བྱ་བའི་དགེ་སློང་དགེ་སྦྱོང་གོའུ་ཏ་མའི་ཉན་ཐོས་བསྙེན་བཀུར་བ་དེ་བདག་ཁྱོར་འཚལ་གྱིས། ཡུམ་ཁྱོད་ཀྱིས་དེ་འདིར་ཁུག་ཅིག། དེའི་མས་སྨྲས་པ། ངས་ཀུན་དགའ
312a6 བོ་ཞི་བ་དང་། འདོད་ཆགས་དང་བྲལ་བ་མ་ཡིན་ན་དགུག་པར་ནུས་མོད་ཀྱི། འོན་ཀྱང་ཀོ་ས་ལའི་རྒྱལ་པོ་གསལ་རྒྱལ་དགེ་སྦྱོང་གོའུ་ཏ་མ་ལ་མཆོག་ཏུ་དད་པས་བསྙེན་ཞིང་བསྙེན་བཀུར་བྱེད་པས། གལ་ཏེ་དེས
312a7 ཤེས་ན་དེས་གདོལ་པའི་རིགས་རྣམས་རླག་པར་འགྱུར་རོ། ། དགེ་སྦྱོང་གོའུ་ཏ་མ་ནི་འདོད་ཆགས་དང་བྲལ་བ་ཐམས་ཅད་ཟིལ་གྱིས་གནོན་ཞེས་ཐོས་སོ།། དེ་སྐད་ཅེས་སྨྲས་པ་དང་། གདོལ་པའི་བུ་མོ་གཟུགས
iiif viewer powered by OpenSeadragon
