| e-texts navigator |
| Wylie |
311b1 ཅད་ལ་བདག་མེད་པའི་འདུ་ཤེས་དང་། མྱ་ངན་ལས་འདས་པ་ནི་བདེ་བ་དང་ཞི་བའོ་སྙམ་དུ་འདུ་ཤེས་པ་མངོན་པར་བསྒྲུབ་པར་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང
311b2 དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འདུ་ཤེས་བཅུ་བསྟན་པའི་མདོ་རྫོགས་སོ།། ། རྒྱ་གར་སྐད་དུ། ཤཱ་རྡུལ
311b3 རྣ་ཨ་བ་དཱ་ན། བོད་སྐད་དུ། སྟག་རྣའི་རྟོགས་པ་བརྗོད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་མཉན
311b4 ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོའི་དུས་སུ་ཆོས་གོས་དང་ལྷུང་བཟེད་ཐོགས་ནས། མཉན་ཡོད་དུ་བསོད
311b5 སྙོམས་ལ་ཞུགས་སོ། ། དེ་ནས་ཚེ་དང་ལྡན་པ་ཀུན་དགའ་བོ་བསོད་སྙོམས་སྤྱད་དེ་ཟས་ཀྱི་བྱ་བ་བྱས་ནས་ཆུ་མིག་གཞན་ཞིག་ཏུ་ཆུའི་ཕྱིར་ཕྱིན་ནོ།། དེར་ཕྱིན་པ་དང་། ཡང་དེའི་ཚེ་ཆུ་མིག་དེ་ལ་གདོལ་པའི་བུ་མོ
311b6 གཟུགས་བཟང་མོ་ཞེས་བྱ་བ་ཆུ་ཆུ་ཞིང་འདུག་གོ། དེ་ནས་ཚེ་དང་ལྡན་པ་ཀུན་དགའ་བོས། གདོལ་པའི་བུ་མོ་གཟུགས་བཟང་མོ་ལ་འདི་སྐད་ཅེས་སྨྲས་སོ།། སྲིང་མོ་བདག་ལ་ཆུ་བྱིན་ཅིག། དེ་ནས་གདོལ
311b7 པའི་བུ་མོ་གཟུགས་བཟང་མོས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ།། བཙུན་པ་ཀུན་དགའ་བོ་བདག་ནི་གདོལ་པའི་བུ་མོ་ལགས་སོ།། སྲིང་མོ་རུས་དང་རིགས་འདྲི་བ་མ་ཡིན་གྱིས། འོན
iiif viewer powered by OpenSeadragon
