| e-texts navigator |
| Wylie |
53b1 བཅོམ་ལྡན་འདས་ཀྱིས་མདོ་སྡེ་པ་དང་། བྱེ་བྲག་ཏུ་སྨྲ་བ་རྣམས་ཀྱི་མཆོག་ཏུ་བསྟན་པ་དེ་བཻ་ཌཱུཪྻའི་ཁང་པ་བརྩེགས་པའི་ནང་དུ་འདུག་ནས་འོང་བ་འདི་ཡིན་ནོ།། བར་སྐབས་དེར་ཚེ་དང་ལྡན་པ
53b2 གསུས་པོ་ཆེས་ཁྱུ་མཆོག་གི་ཤིང་རྟ་མངོན་པར་སྤྲུལ་ནས། རྫུ་འཕྲུལ་གྱིས་སྟེང་གི་ནམ་མཁའ་ལས་འོང་ངོ་།། དེ་ནས་ཁྱིམ་བདག་དེས། དེ་ལ་དྲིས་པ། མ་ག་དྷ་བཟང་མོ་ཁྱུ་མཆོག་གི་ཤིང་རྟ
53b3 ལ་ཞོན་ཏེ་འོང་བ་འདི་ཁྱོད་ཀྱི་སྟོན་པ་ཡིན་ནམ། དེས་དེ་ལ་སྨྲས་པ། འདི་ནི་དགེ་སློང་གསུས་པོ་ཆེ་ཞེས་བྱ་བ་བཅོམ་ལྡན་འདས་ཀྱིས་རིག་པ་ཐོབ་པ་རྣམས་ཀྱི་མཆོག་ཏུ་བསྟན་པ་ཡིན་ཏེ། ཁྱུ་མཆོག
53b4 གི་ཤིང་རྟས་འོང་བ་འདི་ཡིན་ནོ། ། བར་སྐབས་དེར་ཚེ་དང་ལྡན་པ་སྲུང་དབང་གི་བུ་དང་པའི་ཤིང་རྟས་སྟེང་གི་ནམ་མཁའ་ལས་རྫུ་འཕྲུལ་གྱིས་འོང་ངོ་།། དེ་ནས་ཁྱིམ་བདག་དེས་དྲིས་པ། མ་ག་དྷ
53b5 བཟང་མོ་གང་ངང་པའི་ཤིང་རྟས་འོང་བ་འདི་ཁྱོད་ཀྱི་སྟོན་པ་ཡིན་ནམ། དེས་དེ་ལ་སྨྲས་པ། འདི་ནི་དགེ་སློང་སྲུང་དབང་གི་བུ་ཞེས་བྱ་བ་བཅོམ་ལྡན་འདས་ཀྱིས་སྙིང་རྗེ་ལ་གནས་པ་རྣམས་ཀྱི་མཆོག
53b6 ཏུ་བསྟན་པ་དེ་འདི་ཡིན་ཏེ། འདི་ནི་ཆུ་བོ་གངྒཱ་བརྒལ་བར་འདོད་པ་ན་བཟང་མོ་འདུག་ཅིག་ཅེས་སྨྲས་པ་དང་། ཚིག་དེའི་རྗེས་ཐོག་ཉིད་ལ་རི་བོ་བརྩེགས་པ་བཞིན་དུ་གནས་ཏེ། རྣམ་པ་ཐམས་ཅད
53b7 དུ་མ་འབབ་པར་བྱེད་པ་དེ་ངང་པའི་ཤིང་རྟས་འོང་བ་འདི་ཡིན་ནོ། ། བར་སྐབས་དེར་ཚེ་དང་ལྡན་པ་རྣ་བ་བྱེ་བ་ཉི་ཤུ་རི་ནགས་ཀྱི་ཚོགས་ལ་འཆག་ཅིང་འདུག་པ་དེ་འཆག་བཞིན་དུ་འོང་ངོ་།། དེ་ནས
iiif viewer powered by OpenSeadragon
