| e-texts navigator |
| Wylie |
51b1 ཡང་དག་པར་ཁེབས་པ། གཡའ་ཆུ་སྣ་ཚོགས་ཀྱིས་ཉེ་བར་མཛེས་པར་བྱས་པ་མངོན་པར་སྤྲུལ་ཏེ། སྟེང་གི་ནམ་མཁའ་ལས་འོང་ངོ་།། དེ་ནས་ཁྱིམ་བདག་དེས་དེ་མཐོང་ནས་སྨྲས་པ།
51b2 མ་ག་དྷ་བཟང་མོ་འདི་ཁྱོད་ཀྱི་སྟོན་པ་དེ་ཡིན་ནམ། དེས་དེ་ལ་སྨྲས་པ། འདི་ནི་འོད་སྲུངས་ཆེན་པོ་ཞེས་བྱ་བ་ཡིན་ཏེ། བཅོམ་ལྡན་འདས་ཀྱིས་སྦྱངས་པའི་ཡོན་ཏན་ལ་གནས་པར་སྨྲ་བ་རྣམས
51b3 ཀྱི་མཆོག་ཏུ་གསུངས་པ་ཡིན་ཏེ། འདིས་གཅིག་གིས་མ་ཚང་བའི་གླང་དོར་སྟོང་བོར་ཞིང་། སེར་སྐྱ་བཟང་མོ་སྐྱེ་བོས་དགེ་བ་རྣམས་དང་མཚུངས་པ་དང་། དབྱིག་དང་གསེར་མང་པོ་མཆིལ
51b4 མའི་ཐལ་བ་བཞིན་སྤངས་ནས། མངོན་པར་བྱུང་སྟེ་རབ་ཏུ་བྱུང་བ་དེ་ནི་འོང་བ་འདི་ཡིན་ནོ།། བར་སྐབས་དེར་ཚེ་དང་ལྡན་པ་ཤཱ་རིའི་བུས་སེང་གེའི་ཤིང་རྟ་མངོན་པར་སྤྲུལ་ཏེ། སྟེང་གི་ནམ
51b5 མཁའ་ལས་རྫུ་འཕྲུལ་གྱིས་འོང་ངོ་། ། དེ་ནས་ཁྱིམ་བདག་དེས་དེ་མཐོང་བ་དང་དྲིས་པ། མ་ག་དྷ་བཟང་མོ་གང་སེང་གེའི་ཤིང་རྟས་འོང་བ་འདི་ཁྱོད་ཀྱི་སྟོན་པ་དེ་ཡིན་ནམ། དེས་དེ་ལ་སྨྲས་པ།
51b6 འདི་ནི་དགེ་སློང་ཤཱ་རིའི་བུ་ཞེས་བྱ་བ་ཡིན་ཏེ། བཅོམ་ལྡན་འདས་ཀྱིས་ཤེས་རབ་དང་ལྡན་པ་རྣམས་ཀྱི་མཆོག་ཏུ་བསྟན་པ་ཡིན་ཏེ། འདི་མའི་མངལ་དུ་ཞུགས་ཙམ་གྱིས། འཛམ་བུ་གླིང
51b7 ཐམས་ཅད་ཀྱི་རྩོད་པར་སྨྲ་བ་རྣམས་ལས་རྒྱལ་བར་གྱུར་ཏོ། ། འདི་ནི་སྟོན་པ་གཉིས་པ། མཆོག་གཉིས་པ། ཆོས་ཀྱི་དེད་དཔོན། ཆོས་ཀྱི་འཁོར་ལོ་རྗེས་སུ་བསྐོར་བ་དེ་ནི་སེང་གེའི་ཤིང
iiif viewer powered by OpenSeadragon
