| e-texts navigator |
| Wylie |
49b1 ཅིའི་ཕྱིར་ཡི་མུག་པར་གྱུར། དེས་སྨྲས་པ། གང་འདི་ལྟ་བུ་མཆོད་གནས་ཡིན་ན་མཆོད་གནས་མ་ཡིན་པ་གོ་ཇི་ལྟ་བུ་ཞིག་ཡོད་པར་འགྱུར། དེ་ལ་དེས་སྨྲས་པ། བུ་མོ་ཁྱོད་ལ་འདི
49b2 བས་ཆེས་ཁྱད་པར་དུ་འཕགས་པའི་སྟོན་པ་འགའ་ཞིག་ཡོད་དམ། བུ་མོས་སྨྲས་པ། བདག་གི་ཕའི་གཙུག་ལག་ཁང་རྒྱལ་བྱེད་ཀྱི་ཚལ་ན་སངས་རྒྱས་ཞེས་བྱ་བའི་སྟོན་པ་བཞུགས་ཏེ།
49b3 དེ་ན་རྒྱུ་བ་དང་མི་རྒྱུ་བའི་འཇིག་རྟེན་གྱི་མཆོད་གནས་ཡིན་ནོ།། ཁྱོད་ཀྱི་སྟོན་པ་དེ་ཅི་འདྲ་བ་ཞིག། སྨྲས་པ། བདག་གི་སྟོན་པ་ཙམ་པའི་ཚོགས་ལྟར་སེར།། བཅོམ་གསེར་ལྟར་ཤིན་ཏུ
49b4 དྲི་མ་མེད། ། ཚུལ་ཁྲིམས་རྣམ་དག་ཤེས་རབ་ཤིན་ཏུ་དག། འཇིག་རྟེན་གསུམ་ན་མཉམ་མེད་འགྲོ་ལས་འཕགས།། དེ་ཐོས་མ་ཐག་ཏུ་སེམས་རབ་ཏུ་དགའ་བར་གྱུར་ནས་སྨྲས་པ།
49b5 བུ་མོ་ངེད་ཅག་རྣམས་ལ། བཅོམ་ལྡན་འདས་དེ་སང་བསྟན་པར་ནུས་སམ། མ་ག་དྷ་བཟང་མོས་སྨྲས་པ། བཤོས་གཙང་རྣམས་སྦྱོར་ཅིག་དང་། སང་བཅོམ་ལྡན་འདས་སྤྱན་དྲང
49b6 བར་བྱའོ། ། ཇི་ཙམ་ན་དེ་རྣམས་ཀྱིས་སྨྲས་པ། བཤྲོ་གཙང་རྣམས་སྦྱར་གྱིས། ཁྱོད་ཀྱིས་བཅོམ་ལྡན་འདས་སྤྱན་དྲོངས་ཤིག། དེ་ནས་མ་ག་དྷཱ་བཟང་མོས་ཁང་པའི་ཡང་ཐོག་གི
49b7 སྟེང་དུ་མངོན་པར་འཛེགས་ནས། ཕྱོགས་གང་ན་བཅོམ་ལྡན་འདས་བཞུགས་པའི་ཕྱོགས་དེར་ཐལ་མོ་སྦྱར་ཏེ་ཕྱག་བྱས་ནས། བཅོམ་ལྡན་འདས་ཀྱི་ཡོན་ཏན་རྗེས་སུ་དྲན་ཏེ། མེ་ཏོག
iiif viewer powered by OpenSeadragon
