| e-texts navigator |
| Wylie |
44b1 དེ་ནས་རྒྱལ་པོ་ཟླ་འོད་ཀྱི་འབད་པའི་ཚུལ་འདི་ལྟ་བུ་ཤེས་ནས་ས་ལ་གནས་པའི་གནོད་སྦྱིན་རྣམས་དང་། བར་སྣང་ལ་རྒྱུ་བའི་གནོད་སྦྱིན་རྣམས་ཆོ་ངེས་འདེབས་པར་བརྩམས་ཏེ། ཀྱི་ཧུད
44b2 ད་ནི་རྒྱལ་པོ་ཟླ་འོད་ཀྱི་ལུས་ཡོངས་སུ་གཏོང་བར་འགྱུར་ཏེ། སྡུག་བསྔལ་ལོ།། དེ་ནས་རྒྱལ་པོའི་ཕོ་བྲང་སྒོར་སྲོག་ཆགས་བརྒྱ་སྟོང་དུ་མ་འདུས་པར་གྱུར་ཏོ།། དེ་ནས་བྲམ་ཟེ་དྲག་པོའི
44b3 མིག་གིས་སྐྱེ་བོའི་ཚོགས་ཆེན་པོ་འདུས་པ་དེ་མཐོང་ནས་རྒྱལ་པོ་ཟླ་འོད་ལ་འདི་སྐད་ཅེས་སྨྲས་སོ། ། གལ་ཏེ་ལྷས་གནང་བར་མཛད་ན།། སྐྱེ་བོའི་ཚོགས་ཆེན་པོའི་མདུན་དུ་ལྷའི་དབུ་ལེན
44b4 རྔོ་མི་ཐོག་གོ། ། གལ་ཏེ་ཁྱོད་དབུ་ཡོངས་གཏོང་བར་མཛད་ན། ཁྱེད་དང་བདག་དབེན་པ་ཞིག་ཏུ་གཤེགས་འཚལ་ལོ།། དེ་སྐད་ཅེས་སྨྲས་པ་དང་། རྒྱལ་པོ་ཟླ་འོད་ཀྱིས། བྲམ་ཟེ
44b5 དྲག་པོའི་མིག་ལ་སྨྲས་པ། བྲམ་ཟེ་ཆེན་པོ་དེ་བཞིན་དུ་བྱ་ཡིས། ཁྱོད་ཀྱི་ཀུན་ཏུ་རྟོག་པར་འབྱོར་ཅིང་། རང་གི་ཡིད་ལ་རེ་བ་རྣམས་ཡོངས་སུ་རྫོགས་པར་གྱུར་ཅིག། དགེ་སློང
44b6 དག་རྒྱལ་པོའི་ཕོ་བྲང་རྡོ་བཟངས་ཀྱི་ནང་ན། ནོར་བུ་དང་། རིན་པོ་ཆེའི་སྙིང་པོ་ཞེས་བྱ་བའི་སྐྱེད་མོས་ཚལ་ཤིང་སྣ་ཚོགས་ཀྱིས་ཉེ་བར་མཛེས་པ། ཉམས་དགའ་བ། ནེ་ཙེ་དང་།
44b7 ཤ་རིའི་ཀ་དང་། ཁུ་བྱུག་དང་། རྨ་བྱ་དང་། ཤང་ཤང་ཏེའུ་དང་། ཀ་ལ་བིངྒ་རྣམས་ཡིད་དུ་འོང་བའི་སྒྲ་སྒྲོགས་པས། ནགས་ཚལ་གྱི་ཚོགས་ཉམས་དགའ་བའི་སྐྱེད་མོས་ཚལ
iiif viewer powered by OpenSeadragon
