| e-texts navigator |
| Wylie |
44a1 ཁྱེར་ཏེ་ཁྱོད་ལང་ཡི་མགོ་གང་དགོས་གྱུར་པའི།། ཡིད་ལ་རེ་བ་འབྲས་བཅས་ཁྱོད་ནི་དགའ་བར་ཤོག། བྲམ་ཟེ་ཆེན་པོ་ཁྱོད་ཀྱིས་ངའི་ཡན་ལག་གི་མཆོག་མགོ་འདི་བར
44a2 ཚད་མེད་པར་ལེགས་པར་ཁྱེར་ཅིག་ཅེས་སྨྲས་ནས། རང་ཉིད་ཀྱིས་ཅོད་པན་ཕུད་དོ།། དགེ་སློང་དག་རྒྱལ་པོ་ཟླ་འོད་ཀྱིས་མགོ་ལ་ཡོད་པའི་ཅོད་པན་ཕུད་མ་ཐག་ཏུ་འཛམ་བུ་གླིང་པའི་མི
44a3 ཐམས་ཅད་ཀྱི་མགོ་ལ་ཡོད་པའི་ཅོད་པན་རྣམས་ཀྱང་ལྷུང་བར་གྱུར་ཏོ། ། རྒྱལ་པོའི་ཕོ་བྲང་རྡོ་བཟངས་ཀྱི་ཕྱོགས་བཞིར་སྐར་མདའ་རྣམས་ལྟུང་བར་གྱུར་ཏེ། གྲོང་ཁྱེར་གྱི་ལྷ་མོས་རྒྱལ་པོ་ཟླ
44a4 འོད་འདིའི་མགོ་བྲམ་ཟེ་སྡིག་ཅན་གྱིས་གཅད་པར་འགྱུར་རོ་ཞེས་སྨྲ་བསྒྲགས་སོ། ། དེ་ནས་བློན་པོའི་མཆོག་ཟླ་བ་ཆེན་པོ་དང་། ས་འཛིན་གཉིས་རྒྱལ་པོ་ཟླ་འོད་ཚུལ་འདི་ལྟ་བུ་རང་ཉིད་ཀྱི་ལུས
44a5 ཡོངས་སུ་གཏོང་བར་ཤེས་ནས། དེ་ཡུལ་རྨུས་པ་ལྟ་བུའི་མཆི་མའི་གདོང་ཅན་གྱིས་རྒྱལ་པོའི་རྐང་པ་ལ་གཏུགས་ཏེ། གང་ལྷ་ཡང་མཐོང་བ་འདི་ནི་འཇིག་རྟེན་ན་སྐྱེས་བུ་སྐལ་བ་ཅན
44a6 ནོ་ཞེས་སྨྲས་ཤིང་། དེ་གཉིས་དེ་ལ་སེམས་མངོན་པར་དད་པས་ལྟ་ཞིང་། ཡུལ་བུས་བྲམ་ཟེ་དྲག་པོའི་མིག་ལ་བྱམས་པའི་སེམས་བསྐྱེད་པ་དང་། ལྷའི་མིག་རྟག་པའི་ཉིད་ལ་བལྟ་བར
44a7 མི་ནུས་སོ་སྙམ་དུ་བསམས་ནས། སྐད་ཅིག་མ་དེ་ཉིད་ལ་དུས་བྱས་ཏེ། འདོད་པའི་ཁམས་ཐམས་ཅད་ལས་ཡང་དག་པར་འདས་ནས། ཚངས་པའི་འཇིག་རྟེན་དུ་སྐྱེས་སོ།།
iiif viewer powered by OpenSeadragon
