| e-texts navigator |
| Wylie |
43b1 བདག་ཅག་རྣམས་དེང་དང་ལྷན་ཅིག་པ་ལས་ཐ་དད་པར་གྱུར་པ་དང་། སོ་སོར་འགྱུར་བ་དང་། བྲལ་བ་དང་། བྱེ་བར་འགྱུར་རོ་སྙམ་ནས། རྒྱལ་པོའི་རྐང་པ་ལ་གཏུགས་ཏེ་ཕྱོགས
43b2 གཅིག་ཏུ་འདུག་གོ། ། དེ་ནས་རྒྱལ་པོ་ཟླ་འོད་ཐམས་ཅད་ཡོངས་སུ་གཏོང་བ། ཤིན་ཏུ་ཁྱད་པར་ཅན་གཏོང་ཞིང་ཡོངས་སུ་གཏོང་བར་འདོད་ནས། རིང་པོ་ནས་བྲམ་ཟེ་དེ་ལ་སྨྲས་པ། བྲམ
43b3 ཟེ་ཚུར་ཤོག། ཁྱོད་གང་སློང་བ་དེ་ཁྱེར་ཅིག། དེ་ནས་བྲམ་ཟེ་དྲག་པོའི་མིག་རྒྱལ་པོ་ཟླ་འོད་གང་ན་བ་དེར་སོང་སྟེ་ཕྱིན་ནས། རྒྱལ་པོ་ཟླ་འོད་ལ་རྒྱལ་བ་དང་། ཚེ་སྤེལ་བ་བརྗོད་ནས། རྒྱལ
43b4 པོ་ཟླ་འོད་ལ་འདི་སྐད་ཅེས་སྨྲས་སོ། ། བྱང་ཆུབ་སེམས་དཔའ་དངོས་པོ་ཐམས་ཅད་གཏོང་ལ་དགའ་བར་འགྱུར།། བྱང་ཆུབ་སེམས་དཔའ་དགེ་ཁྱོད་དྲི་མེད་ཆོས་ལ་གནས།། དམ་པ་ཀུན
43b5 མཁྱེན་མངོན་པར་བཞེད་པའི་ཐུགས་ཀྱིས་ན། ། ཐུགས་རྗེ་བདག་ཉིད་ཐུགས་ལྡན་བདག་ལ་དབུ་སྩོལ་ཅིག། དེ་ནས་རྒྱལ་པོ་ཟླ་འོད་ཀྱིས་བྲམ་ཟེ་ལས་དེ་ལྟ་བུའི་ཚིག་བརྗོད་པ་ཐོས་པ་དང
43b6 ཡིད་རབ་ཏུ་དགའ་བ་དང་། དགའ་བས་མིག་གདངས་ཏེ་བྲམ་ཟེ་དྲག་པོའི་མིག་ལ་སྨྲས་པ། ཇི་ལྟར་ཡབ་ཀྱི་བུ་གཅིག་གང་ཡིན་ཡང་།། དེ་ལྟ་ན་ཡང་ང་ཡི་མགོ་འདི་ཁྱེར།། ཁྱོད་ཀྱིས
43b7 བསམས་པ་འབྲས་བུར་བཅས་གྱུར་ཅིག། མགོ་བོ་བྱིན་པས་བྱང་ཆུབ་ཐོབ་པར་ཤོག། ངའི་མགོ་ཀླད་པ་ཁྲག་དང་ཞག་འདི་ཡིས།། ཁྱོད་ཀྱི་འདོད་པའི་བྱ་བ་ཅི་ཡང་མི་བྱེད་ཀྱང་།།
iiif viewer powered by OpenSeadragon
