| e-texts navigator |
| Wylie |
43a1 མིག་གིས། ཟླ་བ་ཆེན་པོ་ལ་འདི་སྐད་ཅེས་སྨྲས་སོ།། གང་འདི་ཟླ་བ་ཆེན་པོས་ཤེས་པར་གྱིས་ཤིག། ང་ལ་ནི་རིན་པོ་ཆེའི་མགོ་རྣམས་དགོས་པ་མེད་དེ
43a2 གསེར་དང་དབྱིག་ཀྱང་དགོས་པ་མེད་ཀྱི། གཞན་དུ་ན་ས་ཆེན་པོ་སྐྱོང་ཐམས་ཅད་གཏོང་བ་འདིའི་མགོ་སློང་བའི་ཕྱིར་འདིའི་ཐད་དུ་འོངས་སོ།། དེ་སྐད་ཅེས་སྨྲས་པ་དང་། བློན་པོའི་མཆོག
43a3 ཟླ་བ་ཆེན་པོ་དང་། ས་འཛིན་གཉིས་ལག་པ་འགྲམ་པ་ལ་གཏད་དེ། ད་ནི་དུས་ཀྱིས་ཕྱིན་ཏོ་སྙམ་ནས། ཤིན་ཏུ་སེམས་པ་ལ་ཞུགས་པས་གནས་པར་གྱུར་ཏོ།། དེ་ནས་རྒྱལ་པོ་ཟླ་འོད
43a4 ཀྱིས་རྣམ་པ་དེ་དག་ཉེ་བར་ཐོས་ནས། བློན་པོའི་མཆོག་ཟླ་བ་ཆེན་པོ་དང་། ས་འཛིན་གཉིས་ཕོ་ཉས་བོས་ནས། འདི་སྐད་ཅེས་སྨྲས་སོ།། བྲམ་ཟེ་དེ་ངའི་གན་དུ་ཁྱེར་ལས་ཤོག་ཅིག།
43a5 ངས་འདི་ལ་ཡུན་རིང་པོ་ནས་མངོན་པར་འདོད་པའི་ཡིད་ལ་རེ་བ་ཡོངས་སུ་རྫོགས་པར་བྱའོ།། དེ་སྐད་ཅེས་སྨྲས་པ་དང་། བློན་པོའི་མཆོག་ཟླ་བ་ཆེན་པོ་དང་། ས་འཛིན་གཉིས་པོ་དེ་ཡུལ
43a6 རྨུས་པ་དེ་ལྟ་བུའི་མཆི་མའི་གདོང་གིས་སྙིང་རྗེ་རྗེ་སྐད་དུ་སྨྲེ་སྔགས་འདོན་ཅིང་སྨྲས་པ། ལྷ་བྱམས་པའི་བདག་ཉིད་ཅན་སྙིང་རྗེ་དང་ལྡན་པ། སེམས་ཅན་ཐམས་ཅད་ལ་མཉེས
43a7 གཤིན་པ། ཡོན་ཏན་དཔག་ཏུ་མེད་པ། ཕུན་སུམ་ཚོགས་པ་དང་ལྡན་པ། ཡེ་ཤེས་ལ་མཁས་པ། ལྷའི་མིག་དང་ལྡན་པ་འདི་མི་རྟག་པ་ཉིད་ཀྱི་སྟོབས་ཉེ་བར་གནས་པར་གྱུར་ཏོ།།
iiif viewer powered by OpenSeadragon
