| e-texts navigator |
| Wylie |
37b1 པོའི་རྩེ་འཇོའི་རྩེ་བ་ལ་ཞུགས་ཏེ། བི་ཝང་དང་། གླིང་བུ་དང་། འཁར་རྔ་དང་། སྐྲ་བཟངས་དང་། བི་ཝང་རྒྱུད་གསུམ་པ་དང་། རྔ་རིངས་དང་། རྔ་རྔ་དང་། དུང་སྟོང་ཕྲག་དང་། སིམ
37b2 སྟསྙན་བརྒྱ་སྙེད་ཀྱི་སྒྲའི་རོལ་མོ་བརྡུང་ཞིང་། དཔུང་རྒྱན་དང་།། དོ་ཤལ་དང་། སེ་མོ་དེ་དང་། ནོར་བུ་དང་། མུ་ཏིག་གི་རྒྱན་རྣམས་དང་། རྣ་ཆ་ཐོགས་པ་དང་། རྒྱན་གྱིས་བརྒྱན་ལ། བུད
37b3 མེད་ཀྱི་ཚོགས་ཀྱིས་ཡོངས་སུ་བསྐོར་ནས། རྒྱལ་སྲིད་ཀྱི་དཔལ་ལ་རྗེས་སུ་སྤྱོད་པར་གྱུར་ཏོ།། ཡང་དེའི་ཚེ་དེའི་དུས་ན་རྒྱལ་པོའི་ཕོ་བྲང་རྡོ་བཟངས་ན།། མི་རྣམས་རྒྱལ་པོའི་རྩེ་འཇོས་རོལ་ཏེ།
37b4 པི་ཝང་དང་། གླིང་བུ་དང་། འཁར་རྔ་དང་། སྒྲ་བཟངས་དང་། པི་ཝང་རྒྱུད་གསུམ་པ་དང་། རྫ་རྔ་དང་། རྔ་རིངས་དང་། དུང་གི་སྒྲས་གྲོང་ཁྱེར་དྲུག་ཁྲི་བརྒྱད་སྟོང་དུ་སླ་བསྒྲགས
37b5 པ་དང་། གང་ཡང་རྒྱལ་པོ་ཟླ་འོད་ཀྱི་སྦྱིན་གཏོང་གི་གནས་བཞིར་གསེར་གྱི་རྔ་བོ་ཆེ་རྣམས་བརྡུངས་པ་དང་། འདི་ལྟ་བུའི་ཡིད་དུ་འོང་བའི་སྒྲ་བྱུང་བར་གྱུར་ཏོ།། འདི་ལྟ་སྟེ། སུམ་ཅུ་རྩ
37b6 གསུམ་གྱི་ལྷ་རྣམས་ཀྱི་ནང་ན། ལྷའི་གྲོང་ཁྱེར་དེ་ན་གླུ་དང་། ག་ར་དང་། རོལ་མོའི་སྒྲ་སྒྲོགས་སོ།། དགེ་སློང་དག་དེ་བཞིན་དུ་དེའི་ཚེ་དེའི་དུས་ན།། འཛམ་བུ་གླིང་བའི་མི་ཐམས་ཅད་གླུ་དང་།
37b7 གར་དང་། རོལ་མོའི་སྒྲས་གཅིག་ཏུ་བདེ་བ་ལ་འཇོག་ཅིང་ཤིན་ཏུ་དགའ་བར་གྱུར་ཏོ།། ཡང་དེའི་ཚེ་རྒྱལ་པོའི་ཕོ་བྲང་རྡོ་བཟངས་ན། བྱེ་བ་དུང་ཕྱུར་བདུན་ཅུ་རྩ་གཉིས་ཀྱི་མི་རྣམས་གནས་སོ།།
iiif viewer powered by OpenSeadragon
