| e-texts navigator |
| Wylie |
35b1 ནགས་ཚལ་གྱི་ཕྱོགས་ན། ཀ་ལ་བིངྐ་དང་། ནེ་ཙོ་དང་། ཤི་རི་ཀ་དང་། ཁུ་བྱུག་དང་། རྨ་བྱ་དང་། ཤང་ཤང་ཏེའུ་སྒྲ་སྒྲོགས་པར་གྱུར་པ་དང་། ཤིང་སྣ་ཚོགས་ཀྱིས་ཉེ་བར་མཛེས
35b2 པས་ཉམས་དགའ་བར་བྱས་པ་དང་། སྐྱེད་མོས་ཚལ་ཉམས་དགའ་བ་མདུན་ན་ཡོད་དེ།། དགེ་སློང་དག་རྡོ་བཟངས་དེ་ལྟར་ཤིན་ཏུ་ཉམས་དགའ་བར་གྱུར་ཏོ།། དགེ་སློང་དག་རྒྱལ་པོའི་ཕོ་བྲང
35b3 རྡོ་བཟངས་དེ་ན་རྒྱལ་པོ་ཟླ་འོད་ཅེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེ་བ་དྲན་པ། ལྷའི་མིག་དང་ལྡན་པ། གླིང་གཅིག་པའི་འཁོར་ལོས་སྒྱུར་བ་ཆོས་དང
35b4 ལྡན་པ། ཆོས་ཀྱི་རྒྱལ་པོ་འཛམ་བུ་གླིང་དུ་ཆོས་ཀྱི་དབང་ཕྱུག་ལ་དབང་བྱེད་པར་གྱུར་ཏོ།། དགེ་སློང་དག་རྒྱལ་པོ་ཟླ་འོད་རང་ལ་འོད་ཡོད་པ། འགྲོ་ནའང་མུན་པ་མེད་པར་གྱུར་ཏེ། ནོར་བུ་རིན
35b5 པོ་ཆེའི་འོད་དམ། མར་མེའི་འོད་དམ། སྒྲོན་མ་མདུན་དུ་མི་ཁྱེར་གྱི། དགེ་སློང་དག་གཞན་དུ་ན་རྒྱལ་པོ་ཟླ་འོད་རང་ཉིད་ཀྱི་ལུས་ལས་འོད་འབྱུང་བར་གྱུར་ཏེ། དཔེར་ན་ཟླ་བའི་དཀྱིལ་འཁོར་ལས
35b6 འོད་འབྱུང་བ་བཞིན་དུ་འདིའི་ལུས་ལས་འོད་བྱུང་སྟེ། རྒྱུ་འདིས་ན་རྒྱལ་པོ་ཟླ་འོད་ཟླ་འོད་ཅེས་མིང་དུ་གྱུར་ཏོ།། ཡང་དེའི་ཚེ་དེའི་དུས་ན་འཛམ་བུའི་གླིང་འདིར་རྒྱལ་པོའི་ཕོ་བྲང་རྡོ་བཟངས་ལ་སོགས་པ
35b7 གྲོང་ཁྱེར་དྲུག་ཁྲི་བརྒྱད་སྟོང་བྱུང་བར་གྱུར་ཏེ། འབྱོར་པ། རྒྱས་པ། བདེ་བ། ལོ་ལེགས་པ། སྐྱེ་བོ་མང་པོ་དང་། མི་མང་པོས་གང་བར་གྱུར་ཏོ།། དགེ་སློང་དག་གཞན་ཡང་རྒྱལ་པོ
iiif viewer powered by OpenSeadragon
