| e-texts navigator |
| Wylie |
30b1 ཁྱིམ་བདག་རིན་པོ་ཆེ་དང་བདུན་ཏེ། བློན་པོ་རིན་པོ་ཆེ་རྣམས་སོ།། དེའི་བུ་སྟོང་ཐམ་པ་ཡོད་དེ། དཔའ་བ་དང་། རྟུལ་ཕོད་པ་དང་། ཡན་ལག་མཆོག་གི་གཟུགས་དང་ལྡན་པ་དང་།
30b2 ཕ་རོལ་གྱི་སྡེ་རབ་ཏུ་འཇོམ་པར་ཤ་སྟག་གོ།། དེ་ནས་ས་ཆེན་པོ་རྒྱ་མཚོའི་མཐས་གཏུགས་པ་འདི་ཉིད་མ་ལུས་པར་གནོད་པར་སྔོ་བ་མེད་ཅིང་འཚེ་བ་མེད་དེ། ཆད་པ་མེད་ཅིང་མཚོན་གྱིས
30b3 བདའ་བ་མེད་ལ། ཆོས་དང་འཐུན་ཞིང་སྙོམས་པས་ལེགས་པར་ཕབ་སྟེ་གནས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། གང་གིས་བདག་ཉིད་ཆེན
30b4 པོ་ཡི། ། བདག་པོར་འགྱུར་བའི་རྒྱུ་འདི་ཡིན།། སངས་རྒྱས་ཕན་འདོགས་དེ་དག་གིས།། འཇིག་རྟེན་དུ་ནི་འདི་གསུངས་སོ།། རྫུ་འཕྲུལ་རྒྱ་ཆེན་འདི་དག་དང་།། ངོ་མཚར་འདི་དག
30b5 ཐོས་གྱུར་ན། ། མཁས་དང་ནག་པོའི་རིགས་སྐྱེས་པའང་།། སུ་ཞིག་དང་པར་བྱེད་མི་འགྱུར།། དེ་ཕྱིར་བདག་ལ་ལེགས་འདོད་ཅིང་།། བདག་ཉིད་ཆེན་པོ་འདོད་པས་འདིར།། སངས
30b6 རྒྱས་བསྟན་པ་དྲན་བྱས་ལ། ། དམ་པའི་ཆོས་ནི་བླ་མར་བྱ།། དགེ་སློང་དག་དེ་བས་ན་དམ་པའི་ཆོས་ལ་བཀུར་སྟི་བྱའོ།། བླ་མར་བྱའོ།། རི་མོར་བྱའོ།། མཆོད་པར་བྱའོ་ཞེས་དེ་ལྟར
30b7 བསླབ་པར་བྱའོ། ། དགེ་སློང་དག་དམ་པའི་ཆོས་ལ་བཀུར་སྟི་བྱེད། བླ་མར་བྱེད། རིམ་གྲོར་བྱེད། མཆོད་པ་བྱེད་ཅིང་རྟེན་ཏེ་གནས་པར་བྱའོ་ཞེས་དེ་ལྟར་བསླབ་པར་བྱའོ།། བཅོམ་ལྡན
iiif viewer powered by OpenSeadragon
