| e-texts navigator |
| Wylie |
29a1 འཁོར་དེ་དག་ཀུན་ཏུ་གྲགས་སོ། ། དེ་ཐོས་པས་སྐྱེ་བོ་ཕལ་པོ་ཆེ་ངོ་མཚར་དུ་གྱུར་ཅིང་རྨད་དུ་གྱུར་ནས། ཕན་ཚུན་དུ་ཀྱེ་མངོ་མཚར་ཏོ།། ཀྱེ་མ་བསོད་ནམས་དག་གིས་ཆེ་བ་ཉིད
29a2 ཅེས་འཛེར་ཏོ། ། དེ་ནས་གློ་བུར་དུ་ཕྱུག་ཅིང་ནོར་མང་ལ་ལོངས་སྤྱོད་ཆེ་བར་གྱུར་ཏོ།། བསོད་ནམས་ཀྱི་འབྲས་བུ་མངོན་སུམ་དུ་མཐོང་ནས་དེས་སངས་རྒྱས་དང་། ཆོས་དང་།། དགེ་འདུན་རྣམས
29a3 ད་པ་དྲག་པོས་ཤས་ཆེར་བཀུར་སྟི་བྱས་སོ། ། དེ་ནས་དེ་ཉིན་གཅིག་བཞིན་དུ་དེ་བཞིན་གཤེགས་པའི་མཆོད་རྟེན་ལ་མཆོད་པ་རྒྱ་ཆེར་བྱེད་དོ།། ཆོས་ཀྱང་ཉན་ཏོ།། དགེ་འདུན་གྱིས་བསྐོས་པའི
29a4 དགེ་སློང་དག་ཀྱང་ཉིན་གཅིག་བཞིན་དུ་ཁ་ཟས་བཟང་པོས་ཡང་དག་པར་ཚིམ་པར་བྱེད་དོ། ། དགེ་སྦྱོང་དང་། བྲམ་ཟེ་དང་། བཀྲེན་པ་དང་། ནད་པ་དང་། སློང་བ་གཞན་དག་ཀྱང་ནོར་གྱིས་ཅི་འདོད
29a5 པར་ཡང་དག་པར་འཚེངས་པར་བྱེད་དོ། ། གཙུག་ལག་ཁང་ཆེན་པོ་ཡོ་བྱད་ཐམས་ཅད་ཀྱིས་ཡོངས་སུ་གང་བ་ཡང་བྱེད་དུ་བཅུག་སྟེ། ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ནས། དེའི་གྲགས
29a6 པས་རྒྱལ་པོའི་ཕོ་བྲང་འཁོར་དེ་ཀུན་ཏུ་རྒྱས་པར་གྱུར་ཏོ། ། ཕྱིས་རེ་ཞིག་ན་རྒྱལ་པོའི་ཕོ་བྲང་འཁོར་དེའི་རྒྱལ་པོ་བུ་མེད་པར་དུས་ལས་འདས་སོ།། དེ་ནས་གྲོང་ཁྱེར་གྱི་མི་དང་། བློན་པོ་རྣམས་ཀྱིས།
29a7 རྒྱན་པོ་བརྒྱལ་བ་པོ་བསོད་ནམས་ཀྱིས་ཆེ་བར་གྲགས་པར་ཤེས་ནས་རྒྱལ་པོར་བཅུག་གོ།། དེ་ནས་དེའི་མིང་རྒྱན་པོ་པ་རྒྱལ་བ་པོ་ཞེས་བྱ་བ་གང་ཡིན་པ་དེ་ནི་མེད་པར་གྱུར་ཏེ། རྒྱལ་ངོ་རྒྱལ་བཔོ་ཞེས་བྱ
iiif viewer powered by OpenSeadragon
