| e-texts navigator |
| Wylie |
296b1 རླབས་རྒྱུན་འཆད་པའོ། ། རྒྱ་མཚོ་ལ་ཡང་མཚན་མོ་བརྟན་པ་གང་དག་འཆག་མཛད་པ།། སྣོད་གྱུར་བདག་ཉིད་ཐུགས་ལྡན་གཙང་མའི་ལྷུང་བཟེད་ཕྱག་བསྣམས་ཤིང་།། བསོད་ནམས་ལྡན་པ
296b2 སྐུ་ལུས་ན་བཟའ་ཆོས་གོས་རབ་གཡོ་བ། ། དེ་དག་སང་གི་གདུགས་ནི་གནམ་གྱི་གུང་དུ་ཕྱིན་པ་ན།། གཎྜཱི་བརྡུངས་པའི་སྒྲ་སྙན་སྐད་གསང་གྲགས་པའི་ཚེ།། བསྟན་བཅོས་སྣ་ཚོགས་ཀྱི་དེ་ཁོ་ན
296b3 གོམས་པའི་ཆུ་བླུགས་པས་མི་ཤེས་པའི་སེམས་ཀྱི་དྲི་མ་བཀྲུས་པའི་ཁམས་པའི་ཚོགས་འདུས་པ། ཉི་མ་ཤིན་ཏུ་མང་པོ་དང་ནས་འདྲིས་པའི་སྲིད་པའི་སྤྲོས་པ་བཅད་པ། བདེ་བར་གཤེགས
296b4 པའི་གསུང་རབ་རིན་པོ་ཆེའི་སྒྲོམ་དུ་གྱུར་པ། དགེ་བའི་ཆོས་བདུད་རྩིའི་བཏུང་བའི་གཞི་བྲོ་ཡེ་ཤེས་ཀྱི་གསེར་མ་རྟོགས་པ། བདར་བའི་བརྡར་རྡོ་སྔོན་པོར་གྱུར་པ། ལེགས་པར་སྤྱད་པ་སྟོང
296b5 གི་ཚོགས་བསགས་པས་གྲགས་པ། རྒྱ་ཆེ་བ་དང་ལྡན་པ།། སྦྱིན་བདག་ཆེན་པོ་བདག་ཉིད་ཆེན་པོ་ཅན། སྟོན་གྱི་ནམ་ཐང་བ་ལྟ་བུའི་ཡིད་དང་ལྡན་པ། མིང་འདི་ཞེས་བྱ་བ་འདིའི་གན་དུ། མ་ཧའི
296b6 རྭ་ལྟར་སྔོ་ཞིང་དྲི་མེད་མཁའ་ལས་འཕུར། ། གཟི་བརྗིད་ཀྱིས་ནི་ཉི་མའི་འོད་སྟོང་འཐོར་ཞིང་མངོན་དུ་ཕྱོགས་ནས་འོང་བའི་སྤྲིན་ནི་དྲལ་ནས་སུ།། སྐྱེ་བོ་ཕན་ཕྱིར་ཐུབ་རྣམས་སང་འདིར་གཤེགས་སུ
296b7 གསོལ། ། རྒྱུན་མི་འཆད་པར་ཏིང་ངེ་འཛིན་དང་། ཀློག་པ་དང་། འཆང་བ་དང་། སྐྱེ་བོ་བླ་མ་ལ་སྟེན་པར་མངོན་དུ་དགའ་བའི་བློ་གྲོས་དང་ལྡན་པ། མྱ་ངན་ལས་འདས་པའི་ལམ་གྱི་རྗེས
iiif viewer powered by OpenSeadragon
