| e-texts navigator |
| Wylie |
294b1 བ་ཨས་དགའ་བར་གྱུར་པའི་བྱ་ཁཱའི་ཚོགས་ཀྱིས་གང་གྱུར་པའོ་ས་ཕྱོགས་མགོའི་ཐོད་པ་གས་ནས་ཚོལ་ཐིགས་ཐོགས་ཟག་པའི་སྣུམ་གྱིས་མཆེད་པའི་མེས་ཚིག་ཅིང་རང་གི་མེ་ལྕེས་ཤིང་གཅེར་བ་བསྐམས
294b2 ཤིང་རྙིས་པ། ལག་པ་དང་། རྐང་པ་དང་། སོ་དང་། སྐྲའི་དུམ་གྲུགས་ཀྱིས་གང་ཞིང་ཟླ་བ་དྲི་མ་མེད་པའི་འོད་ལྟ་བུའི་ཀེང་རུས་ཀྱི་ཕུང་པོ་ཡོད་ལ། སྐད་ཅིག་ཏུ་རོ་ལངས་བྱུང་ནས། ཨ་ལ་ལ་ཨ
294b3 ལ་ལ་ཞེས་སྒྲ་འབྱིན་ཅིང་། མེ་སྟག་དང་བཅས་པའི་གང་མོ་དྲག་པོས་འབྱུང་པོ་འཁྲུགས་ཤིང་སྐྲག་པར་གྱུར་པ། ཅེ་སྤྱང་མེ་ཤིས་པའི་ཁ་ནས་དུ་བ་དང་བཅས་པའི་མེ་ལྕེ་འབྱུང་བའི་དུར་ཁྲོད་ཆེན
294b4 པོ་དག་ན་བུད་མེད་ཀྱི་རེ་སྤྲོས་ཤིང་ལྟོ་ལྷུང་ངེར་གྱུར་པའི་སྟེང་ན་འདུག་ཅིང་དགའ་བའི་བྱ་རྒོད་ཀྱི་མཆུ་དང་སྡེར་མོས་ཕྲད་ཅིང་ལྟོའི་ནང་ན་སྲིན་བུའི་རིགས་རྣམས་གནས་པ། ཅེ་སྤྱང་གི་སྟོབས་ཀྱི
294b5 ཤུགས་ཀྱིས་དྲངས་པའི་ནང་ཁྲོལ་དྲི་མི་ཞིམ་པའི་དུམ་བུས་འཁོར་ལ། བྱ་ཁྭ་བཀྲེས་པས་མིག་གི་ཤ་བྲུས་པ་དག་ལ་གཟིགས་ཤིང་རྟག་ཏུ་མི་སྡུག་པ་བསྒོམས་ཏེ། གང་དག་ཁ་ཅིག་རོ་ཡི་གནས
294b6 མལ་དོང་ནས་ནི། ། ཁྲག་དང་ས་ཆགས་དམར་ཞིང་རྩུབ་པའི་སྒྲ་འཁྱིལ་དང་།། བྱ་ཡི་མཆུ་དང་སྡེར་མོས་མིག་རྒོ་བྲུས་པར་ཡང་།། མི་རོ་བོར་བ་ལུས་ལ་གཟིགས་པར་གྱུར་པ་དང་།། སྒོ
294b7 དང་སྲང་བར་ལ་ལར་མེ་འབར་མེ་ལྕེའི་རྩེ་མོ་མང་པོས་མགོ་རྨོངས་ཤིང་། ། རལ་གྲི་གཏུན་དང་རྡོ་བས་བསྣུན་ཅིང་བརྡུངས་ནས་སྐྱེ་བོ་ཁུ་ཅོ་འདོན་གྱུར་ལ།། གཤིན་རྗེའི་ཕོ་ཉ་སྙིང་བརྩེ་མེད་པ
iiif viewer powered by OpenSeadragon
