| e-texts navigator |
| Wylie |
292b1 བཞུགས་པའི་ཕྱིར། ། ནོར་བུས་རྩེ་མོ་བཀྲམ་པའི་ཁོར་ཡུག་རི་ལ་སྟེན་པ་དང་།། གང་དག་འཁྲི་ཤིང་གཞོན་ནུས་རྡོ་བས་ཁེབས་གྱུར་པའི།། དབང་ཆེན་རྩེ་མོ་ཡིད་དུ་འོང་བར་བདེར་གནས་ཏེ།
292b2 མཁའ་ལྡིང་ཤུགས་ཀྱིས་ནང་དུ་ཀླུ་རྣམས་ཀྲུགས་པ་ཡི།། རྒྱ་མཚོ་རིན་ཆེན་གནས་པ་གཟིགས་པ་དང་།། ངང་པའི་ཚོགས་ཅན་ཤིན་ཏུ་གཙང་བ་དྲག་འབབ་ཅན་གྱི་ཆུ་ཡིས་རི་བགབ་བཀྲུས་གྱུར་ཅིང་།།
292b3 ཕྱོགས་ཀྱི་གླང་པོས་བསྒྱེལ་བའི་ས་ལ་ཀ་ཡིས་རྡོ་བ་ཆེན་པོ་མང་པོ་འཁེབས་གྱུར་ལ།། གཅན་གཟན་དབང་པོ་རལ་པ་འཁྱིལ་ཅིང་གསལ་བས་དཔུང་བའི་ཕྱོགས་འབར་ཉལ་བས་གང་གྱུར་ཅིང་།།
292b4 སྦལ་མིག་འཐོན་པའི་ལྕུག་མས་འཁོར་བ་གྲུབ་པ་ངལ་སོས་རི་བོ་ཀྲོན་ཛར་གང་གཤེགས་དང་།། གང་དག་མུན་བསལ་ཁྱད་པར་ཅན་གྱི་བློས།། ཤིང་ལྗོན་སྣ་ཚོགས་མེ་ཏོག་རྒྱས་གྱུར་ཅིང
292b5 རིདགས་རྒྱུ་བས་ནེའུ་གོ་སེང་གཞོན་བསྣང་བ། ། གཟི་རྡོནགས་རྣམས་མི་སྤོང་བཞུགས་པ་དང་།། ཡང་གང་དག་ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་དང་། བྱང་གི་སྒྲ་མི་སྙན
292b6 དང་གླིང་གཞན་དག་ན་སྐྱེས་པའི་ལྕུག་ཕྲན་མདོག་སྣུམ་ཞིང་སྡེ་ལ་འཇམ་པར་མང་པོས་ས་གཞི་ཀུན་ཏུ་ཁེབས་པ་ཤིང་གི་གྲོབ་མའི་དཀྱིལ་འཁོར་བསིལ་བ་དང་། འཁྲི་ཤིང་གིས་འཁོར
292b7 ཅིང་རི་དགས་མང་པོ་གནས་པའི་ནགས་ཚལ་དེ་དང་དེ་དག་ན་བཞུགས་པ་རྣམས་དང་། ཡུལ་དར་དང་། གན་ད་ར་དང་། གུ་ཟན་དང་། ལི་དང་། ཤི་རིང་དང་། བག་ལེ་དང
iiif viewer powered by OpenSeadragon
