| e-texts navigator |
| Wylie |
290a1 བྱང་ཆུབ་ཀྱི་ཡན་ལག་དང་། བདེན་པ་དང་། འཕགས་པའི་ལམ་དང་། དྲན་པ་ཉེ་བར་གཞག་པ་བསྒོམ་པ་གོམས་པས་དད་པ་ཐོབ་པ་དང་། ཚེ་རབས་གཞན་དང
290a2 གཞན་ན་བསགས་པའི་རྣམ་པར་སྨིན་པས་གྲུབ་པ། ཇི་ལྟར་འབྱོར་པར་ནུས་པ་དང་འཐུན་པའི་རྩོམ་པས་ཚོགས་བསགས་པ། ཕན་ཡོན་ལྔའི་རྒྱུ། སེམས་ཅན་ཐམས་ཅད་གནས་པར་བྱེད
290a3 པ་འཇིག་རྟེན་ཕ་རོལ་ཏུ་བདེ་བ་ཐོབ་པར་བྱེད་པ། ཁ་དོག་དང་། དྲི་དང་། རོ་དང་། རེག་པ་དང་ལྡན་པ། ཡིད་དུ་འོང་བ་གྱ་ནོམ་པའི་བཟའ་བ་དང་། བཅའ་བ་དང
290a4 བལྡག་པ་དང་། བརྔུབ་པ་དང་། གཞིབ་པ་ལ་སོགས་པ་ཞལ་ཟས་བཤམ་པར་བྱ་བ་རྣམ་པ་སྣ་ཚོགས་ཞལ་ཟས་ཁྱད་པར་ཅན་གྱིས་སྤྱན་འདྲེན་ཏོ།། དེ་ལ་ཐོག་མར་བཅོམ་ལྡན་འདས
290a5 ཤཱཀྱ་ཐུབ་པ་ཡོངས་སུ་མྱ་ངན་ལས་མ་འདས་པའི་ཚེ། གང་དག་ཡེ་ཤེས་ཀྱི་མེས་ཉོན་མོངས་པའི་ཤིང་ཐམས་ཅད་མ་ལུས་པར་བསྲེགས་པ། གཏོང་བའི་ངང་ཚུལ་ཅན་གྱི་སྦྱིན་པའི་ས་བོན
290a6 འཕེལ་བའི་རྒྱུར་གྱུར་པ། ཕྲ་བ་གཟིགས་པ་མཁས་པ། དེ་ཁོ་ན་ལ་སྒོམ་པ་འདི་ལྟ་སྟེ། གནས་བརྟན་བྷ་ར་དྷྭ་ཛ་བསོད་སྙོམས་ལེན་དང་། འཕགས་པ་སྒྲ་གཅན་འཛིན་དང་། སྦྱིན་བྱེད
290a7 དང་ལམ་བསྟན་པ་དང་། སྐྱེད་བོད་དང་། གསེར་བེའུ་དང་། རྟོགས་བྱེད་དང་། རྡོ་རྗེ་ཅན་གྱི་བུ་དང་། འཕགས་པ་བསྲུངས་པའི་ཀླུ་དང་། ཀླུ་སྡེ་ལ་སོགས་པ་སློབ་མ་བསྟན་པ
iiif viewer powered by OpenSeadragon
