| e-texts navigator |
| Wylie |
288b1 ལོངས་སྤྱོད་དང་། སྲོག་ལ་སྒྱུ་མ་དང་། སྨིག་རྒྱུ་དང་། དྲི་ཟའི་གྲོང་ཁྱེར་དང་། མགལ་མེ་བསྐོར་བ་དང་རྨི་ལམ་དང་། རིའི་འབབ་ཆུའི་ཆུ་ལྟར་གཡོ་བར་རིག་ནས། སྟོབས་བཅུ་མངའ
288b2 བས་གསུངས་པའི་ཚིགས་སུ་བཅད་པ་དང་། ཆོས་མངོན་པ་དང་། འདུལ་བ་དང་། མདོ་སྡེ་འཛིན་ཅིང་། དགེ་བའི་ལས་ཀྱི་འབྲས་བུ་རྣམ་པར་སྨོན་པ་ཡོད་དོ་ཞེས་བསོད་ནམས་ཀྱི་ས་བོན
288b3 སྐྱེད་པའི་རྒྱུ། འཁོར་བའི་བདེ་བ་ཕུན་སུམ་ཚོགས་པའི་གན། སྐྱེ་བོ་ངན་པས་རྙེད་པར་དཀའ་བ། སེར་སྣ་ཅན་གྱི་ཡིད་འཇོམས་པ་སྒྲུབ་པ་ན། སྟོན་གྱི་ཟླ་བ་དྲི་མ་མེད་པ་ལྟར་དང་བའི་ཐུག
288b4 མངའ་བ། སྲིད་པའི་ཉོན་མོངས་པའི་ས་བོན་གཅོད་པ། སེམས་ཅན་ཐམས་ཅད་དུ་བསམ་པ་མཁྱེན་པ། གྲགས་པ་འཇིག་རྟེན་གསུམ་དུ་ཁྱབ་པ། བདུད་ཀྱི་བུ་མོ་སྟེག་པ་རྒྱུན་གཅོད
288b5 པའི་རྒྱུ། སྐྱབས་སུ་འོས་པ། ཆོས་སྟོན་པ། འགྲོ་བ་ལ་དགེ་བའི་ཕྱིར་བྱ་དཀའ་བའི་འཕྲིན་ལས་རྣམས་ཀྱིས། ཆོས་ཐམས་ཅད་ཐུགས་སུ་ཆུད་པས་རྣམ་པར་སངས་རྒྱས་པའི་སངས་རྒྱས
288b6 ཉི་མའི་འོད་ཟེར་གྱི་སྣང་བ་གསལ་བས་རིག་ནས་པདྨའི་འདབ་མ་རྒྱས་པ་ལྟར་རིང་ཞིང་རྫི་མ་ལེགས་པའི་སྤྱན་དང་ལྡན་པ། གནོད་སྦྱིན་གྱི་བདག་པོའི་གཙུག་གི་ནོར་བུ་ཆེན་པོས་ཞབས་ཀྱི་སོར
288b7 མོ་ཀུན་ཏུ་བསྐོར་བ་གསེར་གྱི་མཆོད་སྡོང་ལྟར་གསལ་བ་བས། སྐུ་ལ་རྡོ་རྗེ་དང་། ལྕགས་ཀྱུ་དང་། པདྨ་དང་། ཉ་དང་། རྒྱལ་མཚན་དང་། གདུགས་དང་། འཁོར་ལོ་ལ་སོགས
iiif viewer powered by OpenSeadragon
