| e-texts navigator |
| Wylie |
285a1 ཡང་ཞུས་པ། ཀྱེ་བཙུན་པ་ཡོན་ཏན་ཆེན་པོའི་གནས་ཁྱོད་ལ།། བློ་གྲོས་ངན་པས་འཁྲུལ་ཏེ་མ་རིག་ནས།། ནོངས་པ་ཆེན་པོ་སྨྲས་པའི་ཚིག་དེ་རྣམས།། ཐུགས་རྗེ་ཆེན་པོའི
285a2 སྐུ་ལ་བཟེད་པར་གསོལ། ། བདག་ཀྱང་རབ་ཏུ་འབྱུང་བར་ཅིག་ནང་ལགས།། ཞེས་ཞུས་པས། རབ་ཏུ་འབྱུང་བར་གནང་ནས། སྒྲ་དང་ཁ་སྤུ་བྲེགས་ཏེ། གོས་ངུར་སྨྲིག་གྱོན་ནས། རྒྱལ་བུའི་གཡས
285a3 གྲལ་དུ་གནབ་པར་གྱུར་ཏོ། ། དེའི་ཚེ་འབངས་རྣམས་ཀྱིས་བསམ་པ་ལས། རྒྱལ་ཁམས་གཉིས་ཀྱི་རྒྱལ་པོ་རབ་ཏུ་བྱུང་བ་ལས་བསམས་ན། དམ་པའི་ཆོས་བྱ་བ་འདི་བཟང་བར་ཡིད་ཆེས་ནས
285a4 བདག་ཅག་ཀྱང་རབ་ཏུ་འབྱུང་བར་ཅི་གནང་ཞེས་ཞུས་པས། རབ་ཏུ་འབྱུང་བར་གནང་སྟེ། སྐྲ་དང་ཁ་སྤུ་བྲེགས་ནས། གོས་ངུར་སྨྲིག་གྱོན་ནས། རྒྱལ་བུའི་གཡོན་གྲལ་དུ་གནང་བར་གྱུར་ཏོ།། དེའི
285a5 ཚེ་དེའི་དུས་ན། བསོད་ནམས་དང་ཡེ་ཤེས་ཀྱི་ཚོགས་ཀྱིས། ས་བོན་མ་བཏབ་པར་རྩེ་ཤིང་དང་ནགས་ཚལ་ཐམས་ཅད་ཀྱང་ཟས་དང་སྐོམ་དུ་གྱུར་ཏོ།། དེའི་ཚེ་དེའི་དུས་ན། རྒྱལ་བུ་ཀུན་ཏུ་དགེ་རབ
285a6 ཏུ་བྱུང་བ་ནི་གཞན་དུ་མ་སེམས་ཤིག། བཅོམ་ལྡན་འདས་ཤཱཀྱ་ཐུབ་པ་ཉིད་དོ།། རྒྱལ་པོ་དགའ་བའི་འོད་རབ་ཏུ་བྱུང་བ་ནི་གཞན་དུ་མ་སེམས་ཤིག། འཕགས་པ་བྱམས་པ་ཉིད་དོ།། འཁོར
285a7 བློན་པོ་དང་འབངས་རྣམས་རབ་ཏུ་བྱུང་བ་ནི་གཞན་དུ་མ་སེམས་ཤིག། ཚེ་དང་ལྡན་པ་ཤཱ་རིའི་བུ་ལ་སོགས་པ་ཚེ་དང་ལྡན་པ་རྣམས་སོ།། རྒྱལ་བུ་ཀུན་ཏུ་དགེ་རབ་ཏུ་བྱུང་བའི་སྐུའི་ཡོན
iiif viewer powered by OpenSeadragon
