| e-texts navigator |
| Wylie |
254a1 བདག་དེ་བཞིན། ། བདག་ལྟར་བདེ་གཤེགས་དེ་བཞིན་ཏེ།། སེམས་ཅན་ཀུན་ཀྱང་དེ་དང་འདྲ།། དེ་བས་ཁྱོད་ཀྱིས་བདག་ལུང་བསྟན།། ལུང་བསྟན་འདི་ནི་ཡང་དག་པ།
254a2 དེ་བཞིན་ཉིད་དང་ལྡན་པ་སྟེ།། ཡང་དག་མཐའ་ལ་གནས་པས་ན།། ཆོས་ཀྱི་དབྱིངས་ལ་ཐ་དད་མེད།། ཆོས་ཀྱི་དབྱིངས་ལས་ཡང་དག་བྱུང་།། ནམ་མཁའི་ལྟ་བུར་ཡེ་ཤེས་ཟབ།། ཐབས་ལ
254a3 མཁས་ཤིང་ལེགས་སྦྱངས་པ། ། བཅོམ་ལྡན་ཁྱོད་ལ་བདག་ཕྱག་འཚལ།། དེ་ནས་བཅོམ་ལྡན་འདས་ལ་རིགས་ཀྱི་བུ་རྒྱལ་བའི་བློ་གྲོས་ཀྱིས། ཆོས་ཀྱི་དབྱིངས་དང་ཐ་མི་དད་པའི་ཚོགས་སུ་བཅད་པ
254a4 དེ་དག་གིས་མངོན་པར་བསྟོད་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ།
254a5 ཚེ་དང་ལྡན་པ་ཤཱ་རིའི་བུ་འཇམ་དཔལ་གཞོན་ནུར་གྱུར་པའི་རྫུ་འཕྲུལ་རྣམ་པར་འཕྲུལ་པའི་ཆོ་འཕྲུལ་དང་། ཆོས་སྟོན་པ་རྣམ་པར་འཕྲུལ་པའི་ཆོ་འཕྲུལ་ལས། གང་ཁོ་བོས་ཕྱོགས་ཙམ་ཞིག
254a6 མངོན་སུམ་དུ་གྱུར་པ་ནི་དེ་ལྟ་བུ་དག་ཡིན་ནོ། ། དེ་བཞིན་དུ་བཅོམ་ལྡན་འདས་ཀྱི་སྤྱན་སྔ་ན་འཇམ་དཔལ་གཞོན་ནུར་གྱུར་པའི་རྫུ་འཕྲུལ་རྣམ་པར་འཕྲུལ་པའི་ཆོ་འཕྲུལ་དང་། ཆོས་བསྟན
254a7 པའི་རྣམ་པར་འཕྲུལ་པའི་ཆོ་འཕྲུལ་ཇི་ལྟར་མངོན་སུམ་དུ་གྱུར་པ་དག་ཕན་ཚུན་དུ་བརྗོད་དོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་བཀའ་སྩལ་པ། ཀུན་དགའ
iiif viewer powered by OpenSeadragon
