| e-texts navigator |
| Wylie |
253b1 ཆོས་ཀྱི་དབྱིངས་དང་དེ་དག་མཉམ།། དེ་ཡི་དབྱིངས་ལྡན་ཡེ་ཤེས་དབྱིངས།། དེ་བས་ཁྱོད་ཀྱིས་བདག་ལུང་བསྟན།། ཆོས་ཀྱི་དབྱིངས་དང་ཉོན་མོངས་ཁམས།། སྟོང་པའི་དབྱིངས་དང་དེ་དག་མཉམ།།
253b2 ཆོས་ཀུན་དེ་དེ་དབྱིངས་ལྡན་ཏེ།། དེ་བས་ཁྱོད་ཀྱིས་བདག་ལུང་བསྟན།། འདོད་ཆགས་ཞེ་སྡང་གཏི་མུག་དང་།། གང་གཞན་ཁམས་ཀྱང་གསུམ་པོ་དག། ནམ་མཁའི་ཁམས་དང་མཉམ་པ་སྟེ།།
253b3 དེ་བས་ཁྱོད་ཀྱིས་བདག་ལུང་བསྟན།། འཁོར་བ་དང་ནི་མྱ་ངན་འདས།། ཆོས་ཀྱི་དབྱིངས་དང་དེ་དག་མཉམ།། རླུང་གི་ཁམས་དང་ཆུ་དང་མེ།། ས་རྣམས་དེ་ཡི་ཁམས་ལྡན་ནོ།། ཕུང་པོའི
253b4 ཁམས་དང་ཆོས་ཀྱི་དབྱིངས། ། མིག་ལ་སོགས་པའི་ཁམས་རྣམས་དང་།། ཡིད་ཀྱི་ཁམས་དང་ཆོས་ཀྱི་ཁམས།། དེ་དག་དབྱིངས་ཀུན་མཉམ་པའོ།། འདུས་བྱས་དབྱིངས་ནི་གང་ཡིན་དང་།
253b5 འདུས་མ་བྱས་དབྱིངས་གང་ཡིན་པ།། དེ་དག་ཆོས་དབྱིང་གཉིས་མེད་དེ།། དེ་བས་ཁྱོད་ཀྱིས་བདག་ལུང་བསྟན།། ཕུང་པོ་རྣམས་ནི་ཤེས་དང་བྲལ།། ཁམས་དང་སྐྱེ་མཆེད་རྣམས་ཀྱང་སྟེ།། མིང་ལ་མེད་ཅིང་གཟུགས
253b6 ལའང་མེད། ། ནང་ན་མེད་ཅིང་ཕྱི་ནའང་མེད།། སྒྲ་གང་དག་གིས་རིག་འགྱུར་བའི།། ཐུབ་པས་བདག་ནི་ལུང་བསྟན་པ།། ཇི་ལྟར་བུར་ནི་སྒྲ་གསུངས་པ།། དེ་ལྟར་བདག་ནི་ལུང་བསྟན
253b7 ཏོ། ། གང་གིས་བདག་གིས་ལུང་བསྟན་པའོ།། སེམས་ནི་སངས་རྒྱས་མི་མངའ་སྟེ།། བདག་ལའང་ཡང་དག་བྱང་ཆུབ་ཏུ།། ལུང་བསྟན་རྣམ་ཤེས་མ་མཆིས་སོ།། ཇི་ལྟར་སངས་རྒྱས
iiif viewer powered by OpenSeadragon
