| e-texts navigator |
| Wylie |
253a1 བཅུ་རྩ་གཉིས་སུ་འགྱུར་རོ། ། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་ཕྱིར་མི་ལྡོག་པ། སྤོབས་པ་ཐོགས་པ་མེད་པ། ཚིག་དབྱེ་བ་ལ་མཁས་པ།
253a2 ཤ་སྟག་གོ།། དེ་བཞིན་གཤེགས་པ་ཡེ་ཤེས་ཕུང་པོ་དེ་ནམ་ཡོངས་སུ་མྱ་ངན་ལས་འདའ་བ་དེའི་ཚེ་ཡང་བྱང་ཆུབ་སེམས་དཔའ་སངྒེའི་རྩལ་གྱིས་འགྲོ་བ་དེ་ལ། རིགས་ཀྱི་བུ་བྱང་ཆུབ་སེམས་དཔའ
253a3 སེང་གེའི་རྩལ་གྱིས་འགྲོ་བ་འདི། ངའི་འོག་ཏུ་དེ་བཞིན་གཤེགས་པ་སེང་གེའི་སྒྲ་སྒྲོགས་པ་ཞེས་བྱ་བར་འགྱུར་རོ།། ཞེས་ལུང་བསྟན་ནས་ཡོངས་སུ་མྱ་ངན་ལས་འདའ་འོ།། དེ་བཞིན
253a4 གཤེགས་པ་ཡེ་ཤེས་ཀྱི་ཕུང་པོ་དེ་ཡོངས་སུ་མྱ་ངན་ལས་འདས་ནས། བར་གྱི་བསྐལ་པ་བཅུར་དམ་པའི་ཆོས་གནས་པར་འགྱུར་རོ།། བཅོམ་ལྡན་འདས་དེའི་སྐུ་ཡང་མི་འཇིག་པར་འགྱུར་ཏེ།
253a5 གང་ལ་སེམས་ཅན་དེ་དག་མཆོད་པར་བྱེད་བའི་མཆོད་རྟེན་རིན་པོ་ཆེ་ལས་བྱས་པའི་ཞེང་དུ་དཔག་ཚད་དྲུག་ཅུ་རྩ་བཞི་པ། འཕང་དུ་དཔག་ཚད་བརྒྱད་ཅུ་པ་རིན་པོ་ཆེ་ཐམས་ཅད་ཀྱིས་སྤྲས་པ་གཅིག
253a6 ཅིག་ཡོད་པར་འགྱུར་རོ། ། དེ་ནས་རིགས་ཀྱི་བུ་རྒྱལ་བའི་བློ་གྲོས་པར་སྣང་དེ་ལས་བབས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན
253a7 གསུམ་བསྐོར་བ་བྱས་ནས། བཅོམ་ལྡན་འདས་ལ་ཆོས་ཀྱི་དབྱིངས་དང་ཐ་མི་དད་པའི་ཚོགས་སུ་བཅད་པ་འདི་དག་གིས་མངོན་པར་བསྟོད་དོ།། བདག་གི་དབྱིངས་དང་སེམས་ཅན་དབྱིངས།
iiif viewer powered by OpenSeadragon
