| e-texts navigator |
| Wylie |
251b1 དཔའ་ཀྱང་། ། དཔེ་མེད་ཐུབ་དབང་ཡེ་ཤེས་རྨད་བྱུང་ཡུལ་ནི་མི་རྟོགས་པ།། ལྷ་མི་ལྷ་མིན་ཀླུ་གང་ཐོས་ནས་བྱང་ཆུབ་མཆོག་འཚལ་བར།། ཡེ་ཤེས་དེ་ཡི་སྟོབས་ཀྱིས་ཅི་ཕྱིར་འཛུམ་བསྟན
251b2 བཤད་དུ་གསོལ། ། མཐར་འཛིན་ཀུན་ལས་ཐུབ་གྲོལ་བློ་བཟང་དབུས་སུ་ཁྱོད་མི་ཆགས།། ཆགས་མེད་ཉེས་མེད་སྤྱོད་པ་གནས་མེད་ནམ་མཁའ་ཚད་མེད་བཞིན།། དཔེ་མཆོག་གང་ཡང་མེད་ཅིང་འཇིམ
251b3 རྟེན་མཆོག་འདྲར་བགྲང་བ་མེད། ། མཁའ་འདྲའི་བློ་མངའ་སྡིག་མེད་ཁྱོད་ལ་ཅི་སླད་འཛུམ་བསྟན་ཞུའོ།། ཁྱོད་ཀྱི་ཞལ་ནས་འོད་ཟེར་སྣ་ཚོགས་སྔོ་དང་དམར་དང་དཀར།། དྲི་མེད་གསེར་ལྟར་འཚེར
251b4 ཞིང་དམར་བ་གངྒཱའི་བྱེ་སྙེད་བྱུང་། ། གྲངས་མེད་ནམ་མཁའི་ཁམས་མཉམ་ཕྱོགས་ཀྱི་འཇིག་རྟེན་དེས་སྣང་བྱས།། ཐུབ་པའི་འོད་ཀྱིས་རེག་པའི་ངན་སོང་མ་ལུས་ཞི་ཞིང་བདེ་དང་ལྡན། གལ
251b5 ཏེ་འོད་ཟེར་པུས་མོར་ལྷུང་ན་དགྲ་བཅོམ་ཁྱོད་ལུང་བསྟན། ། འོད་ཟེར་ཁྱོད་ཀྱི་དཔུང་པར་ནུབ་ན་རང་སངས་རྒྱས་སུ་བསྟན།། དེང་ནི་ཕན་མཛད་ཐུབ་ཁྱོད་གཙུག་ཏུ་དྲི་མེད་འོད་ནུབ་ཀྱིས།། ཀུན
251b6 མཁྱེན་མཉམ་མེད་ཐེག་པར་ངེས་པ་ཁྱོད་ནི་ལུང་སྟོན་ཏོ། ། དེ་བས་ལེགས་པ་ལྷ་ལྷགས་ལྷས་མཆོད་འཇིག་རྟེན་གསུམ་མཆོད་འོས།། སྲོག་ཆགས་མང་པོ་གང་ཐོས་དགའ་ཞིང་སེམས་ཀྱང་མགུ
251b7 འགྱུར་བར། ། ཡང་དག་བདེན་ཚིག་ངེས་པར་གསུང་ངག་དེ་ནི་རྒྱལ་བས་ཤོད།། ཅི་ཕྱིར་འཛུམ་མཛད་ཐེ་ཙོམ་ཆོད་དེ་སློབ་མ་མགུ་བར་མཛོད།། དེ་སྐད་ཅེས་གསོལ་པ་དང་། བཅོམ།
iiif viewer powered by OpenSeadragon
