| e-texts navigator |
| Wylie |
250a1 པོ་རྣམས་མི་འདོར་བའོ། ། བག་ཡོད་པ་ནི་གང་སེམས་ཅན་ཡོངས་སུ་སྨིན་པར་བྱ་བའི་ཐབས་སོ།། དེ་ལ་བརྩོན་འགྲུས་ནི་གང་ལུས་དང་སེམས་སྡོམ་པའོ།། བག་ཡོད།
250a2 པ་ནི་ལུས་དང་སེམས་དབེན་པའོ།། དེ་ལ་བརྩོན་འགྲུས་ནི་གང་སེམས་ཅན་ལ་དམིགས་པའི་བྱམས་པས་སེམས་ཅན་ཐམས་ཅད་སེམས་མཉམ་པའོ།། བག་ཡོད་པ་ནི་གང་ཆོས་ལ་དམིགས
250a3 པའི་བྱམས་པས་ཆོས་ཐམས་ཅད་ནི་དམིགས་པའོ། ། དེ་ལ་བརྩོན་འགྲུས་ནི་གང་སེམས་ཅན་གཞན་དང་གང་ཟག་གཞན་དག་བྱང་ཆུབ་ཀྱི་སེམས་ལ་སྦྱོར་བའོ།། བག་ཡོད་པ་ནི་གང་སྒྱུ་མ་ལྟ།།
250a4 བུའི་ཆོས་ལ་སོ་སོར་རྟོག་པས་བྱང་ཆུབ་ཀྱི་སེམས་མི་བརྗེད་པའོ།། དེ་ལ་བརྩོན་འགྲུས་ནི་གང་མངོན་པར་ཤེས་པའི་ཡེ་ཤེས་སྐྱེད་པའོ།། བག་ཡོད་པ་ནི་གང་ཟག་པ་ཟད་པར་བྱས་པས
250a5 ཀུན་ཏུ་སྲུང་བའོ། ། དེ་ལ་བརྩོན་འགྲུས་ནི་གང་མགོའི་ཐོད་ལ་མེ་འབར་བ་ལྟ་བུས་བདེན་པ་ཚོལ་བའོ།། བག་ཡོད་པ་ནི་གང་འགོག་པ་མངོན་སུམ་དུ་བྱ་བར་མི་ལྟུང་བའོ།། དེ་ལ་བརྩོན
250a6 འགྲུས་ནི་གང་མཚན་དང་དཔེ་བྱད་ཡོངས་སུ་རྫོགས་པར་བྱ་བའི་ཕྱིར་དགེ་བའི་རྩ་བས་ཆོག་མི་ཤེས་པའོ། ། བག་ཡོད་པ་ནི་གང་ཆོས་ཀྱི་སྐུ་ལ་སོ་སོར་རྟོག་པའོ།། དེ་ལ་བརྩོན་འགྲུས་ནི་གང
250a7 སངས་རྒྱས་ཀྱི་ཞིང་ཡོངས་སུ་དག་པའོ། ། བག་ཡོད་པ་ནི་གང་སེམས་ཅན་གྱི་ཞིང་ཡོངས་སུ་དག་པའོ།། དེ་ལ་བརྩོན་འགྲུས་ནི་གང་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཡོངས་སུ
iiif viewer powered by OpenSeadragon
