| e-texts navigator |
| Wylie |
249b1 མངོན་པར་ཤེས་པར་བྱེད་པའོ། ། གཉིས་གང་ཞེ་ན། འདི་ལྟ་སྟེ། བརྩོན་འགྲུས་དང་། བག་ཡོད་པའོ།། དེ་ལ་བརྩོན་འགྲུས་གང་ཞེ་ན། གང་ཆོས་ཀྱིས་བཙལ་བའི་ལོངས་སྤྱོད་བདོག་པ
249b2 ཐམས་ཅད་ཡོངས་སུ་གཏོང་བའོ། ། བག་ཡོད་པ་གང་ཞེ་ན། གང་རྣམ་པར་སྨིན་པ་ལ་མི་རེ་བས་བྱང་ཆུབ་ཏུ་བསྔོ་བའོ།། དེ་ལ་བརྩོན་འགྲུས་ནི་གང་མི་དགེ་བའི་ཆོས་ཐམས་ཅད་སྤང་བ་དང
249b3 དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཡང་དག་པར་རྩོལ་བའོ། ། བག་ཡོད་པ་ནི་ཚུལ་ཁྲིམས་ཡོངས་སུ་དག་ཅིང་སྐྱེ་བ་ཐམས་ཅད་མི་འདོད་པས་བྱང་ཆུབ་ཏུ་ཡོངས
249b4 སུ་སྔོ་བའོ། ། དེ་ལ་བརྩོན་འགྲུས་ནི་གང་ལུས་དང་སེམས་ལ་མི་ལྟ་བས་བཟོད་ཅིང་ངེས་པའོ།། བག་ཡོད་པ་ནི་ཁོང་ཁྲོ་བ་མེད་པའི་སེམས་ཀྱིས་སེམས་ཅན་ཐམས་ཅད་ཀུན་ཏུ་སྲུང་བའོ།།
249b5 དེ་ལ་བརྩོན་འགྲུས་ནི་གང་དགེ་བའི་ཆོས་སོགས་པས་མི་སྐྱེ་བའོ།། བག་ཡོད་པ་ནི་གང་དགེ་བའི་ཆོས་བསགས་པ་རྣམས་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བའོ།། དེ་ལ་བརྩོན་འགྲུས
249b6 ནི་གང་བསམ་གཏན་གྱི་ཡན་ལག་ཡོངས་སུ་རྫོགས་པས་མི་སྐྱོ་བའོ། ། བག་ཡོད་པ་ནི་གང་བསམ་གཏན་གྱི་རོ་མྱོང་བར་བྱེད་པ་ལས་ལོག་པའི་ཤེས་པའོ།། དེ་ལ་བརྩོན་འགྲུས་ནི་གང་མང་དུ
249b7 ཐོས་པ་ཚོལ་བས་ཆོག་མི་ཤེས་པའོ། ། བག་ཡོད་པ་ནི་གང་ཚུལ་བཞིན་ཡིད་ལ་བྱེད་པ་ལ་ཞུགས་པའི་འཕགས་པའི་ཤེས་རབ་དང་ཡེ་ཤེས་སོ།། དེ་ལ་བརྩོན་འགྲུས་ནི་གང་བསྡུ་བའི་དངོས
iiif viewer powered by OpenSeadragon
