| e-texts navigator |
| Wylie |
249a1 རྒྱའོ། ། ཐོག་མ་ནས་མ་སྐྱེས་པའི་ཕྱག་རྒྱའོ།། རང་བཞིན་ལ་སོ་སོར་རྟོག་པའི་ཕྱག་རྒྱ་སྟེ། རིགས་ཀྱི་བུ་ཕྱག་རྒྱ་དེ་དག་གིས་བཏབ་པའི་ཆོས་ཐམས་ཅད་མངོན་པའི་ང་རྒྱལ
249a2 མེད་པའི་དགེ་སློང་གིས་ཐོས་ན་ནེམ་ནུར་དུ་མི་འགྱུར། ཐེ་ཙོམ་དུ་མི་འགྱུར་ཏེ། བདག་ཏུ་མི་དམིགས་པར་རྟོག་པར་འགྱུར་རོ།། དེ་ནས་བཅོམ་ལྡན་འདས་ལ། ཀུན་ཏུ་རྒྱུ་རྒྱལ་བའི་བློ་གྲོས
249a3 ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་གིས་སྔོན་ཡང་ཀུན་ཏུ་རྒྱུ་སུ་ཏྲ་ཀ་དང་། སྣག་གི་གཉེན་མཚམས་ཀུན་ཏུ་རྒྱུ་ཟླ་བ་ཅན་ལས། ཐེག་པ་ཆེན་པོ་འདིའི་ཡོན་ཏན
249a4 བསྔགས་པ་བརྗོད་པ་ཁ་ཅིག་ཐོས་པར་གྱུར་ཏོ། ། བཅོམ་ལྡན་འདས་བདག་གིས་ད་ལྟར་ཡང་འཇམ་དཔལ་གཞོན་ནུར་གྱུར་པ་ལས་དམ་པའི་ཆོས་བཤད་པ་ཐོས་ནས། བླ་ན་མེད་པ
249a5 ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། བཅོམ་ལྡན་འདས་ཀྱིས་ཀྱང་བདག་ལ་ཅི་ནས་ཀྱང་བདག་གིས་བྱང་ཆུབ་ཀྱི་ཕྱོགས་ཀྱི་ཆོས་རྣམས་བསགས་ཏེ། མྱུར་དུ་བླ་ན་མེད
249a6 པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། སེམས་ཅན་ཚད་མ་མཆིས། གྲངས་མ་མཆིས་པ་རྣམས་ཀྱི་དོན་བགྱིད་པར་འགྱུར་བ་དེ་ལྟར་ཆོས་བཤད།
249a7 དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་བྱང་ཆུབ་སེམས་དཔའ་རྣམས་ཀྱི་ཆོས་འདི་གཉིས་ནི། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ
iiif viewer powered by OpenSeadragon
