| e-texts navigator |
| Wylie |
153b1 གེའི་ཁྲི་དང་སྟན་གྱི་མཆོག་རྣམས་ཐོབ། ། སུ་དག་རབ་ཏུ་བྱུང་དང་འཚམ་པ་ཡི།། ཁ་ཟས་བཟང་པོ་དགེ་འདུན་སྦྱིན་བྱེད་པ།། དེ་དག་འཁོར་བའི་དགོན་པར་གནས་པ་ན།། ཁ་ཟས་ཁ་དོག་རོ
153b2 ལ་སོགས་ལྡན་འཐོབ། ། སུ་དག་རབ་ཏུ་བྱུང་དང་འཚམ་པ་ཡི།། བཏུང་བ་རྒྱ་ཆེན་རབ་ཏུ་སྦྱིན་བྱེད་པ།། དེ་དག་འཁོར་བའི་དགོན་པར་གནས་པ་ན།། བཏུང་བ་ཁ་དོག་རོ་ལ་སོགས་ལྡན་འཐོབ།།
153b3 སུ་དག་འཇིག་རྟེན་བླ་མས་གསུངས་པ་ཡི།། དམ་ཆོས་ཚུལ་བཟང་ཐོས་ན་ཉམས་སུ་ལེན།། དེ་དག་ཉོན་མོངས་ཆུ་རླབས་འཇིགས་པ་ཡི།། སྲིད་པའི་རྒྱ་མཚོ་མྱུར་དུ་རྒལ་བར་འགྱུར།། རྒྱལ་པོ
153b4 དགེ་བའི་ལས་འདི་ཐམས་ཅད་ནི། ། འཁོར་བའི་བདེ་བ་སྣ་ཚོགས་སྨིན་ནས་སུ།། སངས་རྒྱས་ཀྱི་ནི་བྱང་ཆུབ་དམ་པ་ནི།། འབྲས་བུ་བདེ་བླག་ཁོ་ནར་འགྲུབ་པར་འགྱུར།། དེ་ནས་རབ་དགའ
153b5 མདངས་དང་ལྡན་པ་ཡིས། ། དྲང་སྲོང་དགེ་འདུན་བསྐོར་བ་བྱས་ནས་ཀྱང་།། ཐུབ་དབང་ཞབས་ལ་མགོ་བོས་ཕྱག་འཚལ་ཏེ།། རྒྱལ་པོ་རྒྱལ་བྱེད་ཚལ་ནས་བྱུང་བར་གྱུར།། གསལ་རྒྱལ་གྱི
153b6 ཚིགས་སུ་བཅད་པ་རྫོགས་སོ། ། །། རྒྱ་གར་སྐད་དུ། ཨཱརྱ་ས་བེའི་ད་ལ་ལྱ་སཾ་གྲ་ཧ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་རྣམ
153b7 པར་འཐག་པ་ཐམས་ཅད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།
iiif viewer powered by OpenSeadragon
