| e-texts navigator |
| Wylie |
9b1 ཡོངས་སུ་རྫོགས་པར་བྱེད་པ་སྟེ། དེའི་ཕྱིར་བྱང་ཆུབ་སེམས་དཔའ་ཞེས་བྱའོ།། འདི་ནི་བསླངས་པ་ཐམས་ཅད་སྦྱིན་པར་བྱེད་དེ། ཡོངས་སུ་མི་གཏོང་བ་ཅི་ཡང་མེད་པས། དེའི་ཕྱིར་བྱང་ཆུབ
9b2 སེམས་དཔའ་ཞེས་བྱའོ། ། དེ་ནས་བུ་མོ་དེ་འདི་སྙམ་དུ་སེམས་ཏེ། དེ་སྐད་གྲགས་པ་ལས་ན་འདིས་བདག་ལ་གོས་འདི་སྦྱིན་པར་འགྱུར་རོ་སྙམ་ནས། དེ་ནས་སྨད་འཚོང་མའི་བུ་མོ་གསེར་མཆོག་འོད
9b3 དཔལ་ཤིང་རྟ་དེ་ལས་བབས་ནས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་གང་ཁྱོད་ཀྱི་སྐུ་ལ་གསོལ་བའི་ན་བཟའ་འདི་བདག་ལ་སྦྲུལ་དུ་གསོལ། དེའི་ཚེ་ཚིགས་སུ
9b4 བཅད་པ་འདི་ཡང་སྨྲས་སོ། ། གལ་ཏེ་ཁྱོད་ནི་བྱང་ཆུབ་ལ་ཡང་ཞུགས་གྱུར་ན།། འཇམ་དབྱངས་ན་བཟའ་འདི་ནི་བདག་ལ་སྩལ་དུ་གསོལ།། སེར་སྣ་ཅན་གྱི་བྱང་ཆུབ་སེམས་དཔའ་མི་མཛེས་ཏེ། དཔེར་ན
9b5 ཆབ་དང་བྲལ་བའི་བསྐམས་པའི་ཀླུང་དང་མཚུངས། ། འཇམ་དཔལ་གྱིས་སྨྲས་པ། གལ་ཏེ་བུ་མོ་ཁྱོད་ནི་བྱང་ཆུབ་ཞུགས་གྱུར་ན།། ཁོ་བོས་དེ་རིང་གོས་འདི་ཁྱོད་ལ་སྦྱིན་པར་བྱ།། གང་དག་གཡོ་བ
9b6 མེད་པར་བྱང་ཆུབ་སེམས་ལ་གནས། ། དེ་དག་འདི་ནི་ལྷར་བཅུས་འཇིག་རྟེན་མཆོད་འོས་ཡིན།། བུ་མོས་སྨྲས་པ། བྱང་ཆུབ་ཅེས་བགྱི་བ་ཡི་ཚིག་གི་དོན་གང་ཞིག་ལགས།། དེ་ནི་གང་ལས་ཐོབ
9b7 ཅིང་སུ་ཞིག་སྒྲོལ་བར་བགྱིད། ། ཚོགས་རྣམས་གང་དག་ལ་ནི་ངེས་པར་བསྟེན་བགྱིས་ན།། མཁས་པ་མ་ལགས་མ་རྟོགས་རྣམས་ཀྱིས་རྟོགས་པར་འགྱུར།། འཇམ་དཔལ་གྱིས་སྨྲས་པ། སྲིང་མོ
iiif viewer powered by OpenSeadragon
