| e-texts navigator |
| Wylie |
8a1 ཏེ། སེམས་ཅན་ཐམས་ཅད་ལ་སྙིང་རྗེ་ཆེན་པོ་སྐྱེས་ནས། འདི་སྙམ་དུ་སེམས་ཏེ། སུ་ཞིག་རྫུ་འཕྲུལ་གྱི་ཆོ་འཕྲུལ་ལམ། ཀུན་བརྗོད་པའི་ཆོ་འཕྲུལ་ལམ།། རྗེས་སུ
8a2 བསྟན་པའི་ཆོ་འཕྲུལ་གྱིས་འདུལ་བར་འགྱུར་བའི་སེམས་ཅན་གང་ཐག་པ་ཆེན་པོ་འདི་ལ་ཡོངས་སུ་སྨིན་པར་བྱ་སྙམ་པ་དང་། འཇམ་དཔལ་གཞོན་ནུར་གྱུར་པས། སྨད་འཚོང་མའི་བུ་མོ་གསེར
8a3 མཆོག་འོད་དཔལ་ཚོང་དཔོན་གྱི་བུ་འཇིགས་བྱིན་དང་ལྷན་ཅིག་ཏུ་ཤིང་རྟ་ལ་ཞོན་ཏེ། སྐྱེད་མོས་ཚལ་གྱི་སར་འགྲོ་བར་མཐོང་ངོ་།། མཐོང་ནས་ཀྱང་གདུལ་བའི་ཕྱིར་དེའི་དབང་པོ་དང་། སྟོབས་དང་།
8a4 བརྩོན་འགྲུས་ཀྱི་བྱེ་བྲག་ལ་རྣམ་པར་བལྟས་ན། དེ་སྔོན་གྱི་དགེ་བའི་རྩ་བ་དང་ལྡན་ཞིང་། ཆོས་ཀུན་ཤེས་པར་བྱ་བའི་ནུས་པ་དང་། མཐུ་དང་། སྐལ་བ་ཡོད་པར་རིག་ནས། དེ་ནས་དེའི་ཚེ།
8a5 འཇམ་དཔལ་གཞོན་ནུར་གྱུར་པས་འདི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱས་ཏེ། ཇི་ལྟ་བུའི་རྫུ་འཕྲུལ་མངོན་པར་འདུས་བྱས་པས། འདི་ལྟར་རང་གི་ལུས་བསྟན་མ་ཐུག
8a6 ཏུ། ཉི་མ་དང་ཟླ་བའི་འོད་ཀྱང་ཟིལ་དུ་རླག་པར་བྱེད་ན། སེམས་ཅན་གཞན་དོག་གི་ལྷ་སྨོས་ཀྱང་ཅི་དགོས་པ་དེ་ལྟ་བུར་རང་གི་ལུས་རྣམ་པར་སྤྲུལ་ནས། གོས་གང་གི་འོད་ཀྱིས་དཔག་ཚད་གཅིག།
8a7 ཙམ་གྱི་ཁོར་ཡུག་སྣང་བ། སྣང་བར་བྱེད་པའི་གོས་དེ་ལྟ་བུ་ཡང་ལུས་ལ་གྱོན་པར་ཀུན་ཏུ་བསྟན་ཏོ།། རང་གི་ལུས་རྒྱན་ཐམས་ཅད་ཀྱིས་རྣམ་པར་བརྒྱན་པར་ཡང་བསྟན་ཏོ།། དེ་ནས་འཇམ་དཔལ
iiif viewer powered by OpenSeadragon
