| e-texts navigator |
| Wylie |
6a1 སྐྱེ་འགྱུར་ཞིང་།། དེ་ནི་སྦྱིན་པའི་བདག་པོར་འགྱུར།། ཐུབ་པ་རྣམས་ཀྱི་མཚན་འཛིན་པས།། བསྐལ་པ་བྱེ་བ་བརྒྱ་མང་དུ།། དེ་ཡི་ཁ་ནས་དྲི་འབྱུང་བ།། དྲི་བསུང་ཞིམ་པོ
6a2 འབྱུང་བར་འགྱུར། ། ཐུབ་པ་རྣམས་ཀྱི་མཚན་འཛིན་པ།། རྫུ་འཕྲུལ་ཆེ་ཞིང་ཡིད་གཞུངས་ལ།། འདབ་མ་བྱེ་བ་སྟོང་ལྡན་པའི།། རིན་ཆེན་པདྨར་སྐྱེ་བར་འགྱུར།། མཚན་རྣམས་འདི་དག་འཛིན་བྱེད་པ།།
6a3 ཕ་དང་མ་དང་རྩ་ལག་དང་།། སྤུན་རྣམས་ཀྱི་ནི་ཡིད་འོང་ཞིང་།། ནམ་ཡང་ཕོངས་པ་མཐོང་མི་འགྱུར།། བུད་མེད་ཀྱིས་ཀྱང་བྲོ་ལྡན་པ།། དེ་དག་རྣམས་ཀྱི་མཚན་ཐོས་ན།། བུད་མེད་ལུས་ལ་ཡིད་བྱུང
6a4 ནས། ། མཁས་ཤིང་སྐྱེས་པར་སྐྱེ་བར་འགྱུར།། ལུས་ཅན་ཀུན་ལ་ཕན་པའི་ཕྱིར།། མྱུར་དུ་བྱང་ཆུབ་འཚང་རྒྱ་སྟེ།། ལྷ་དང་བཅས་པའི་འཇིག་རྟེན་གྱི།། རྟེན་དང་སྐྱབས་སུ་འབྱུང་བར་འགྱུར།།
6a5 དེ་ལ་མཚོན་གྱིས་མི་ཚུགས་ཏེ།། དུག་གིས་མི་ཚུགས་མེས་མ་ཡིན།། གཡོན་ཅན་དག་དང་ཆོམ་རྐུན་དང་།། རྒྱལ་པོའང་དེ་ལ་གནོད་མི་བྱེད།། ཐུབ་པ་རྣམས་ཀྱི་མཚན་འཛིན་པ།། དེ་ལ་སྡིག་དང
6a6 ལྡན་པའི་བདུད། ། ནག་པོའི་རྩ་ལག་བཞོན་བཅས་པས།། གླགས་ནི་རྙེད་པར་ཡོང་མི་འགྱུར།། ཞིང་རྣམས་བྱེ་བ་བསམ་ཡས་སུ།། དེ་ནི་མཐའ་ལས་འགྲོ་འགྱུར་ཏེ།། ཕུན་སུམ་ཚོགས་པའི་ཞིང
6a7 དེར་ནི། ། འཇིག་རྟེན་མགོན་པོ་རྣམས་ལ་ལྷ།། བརྟན་པ་སངས་རྒྱས་རྣམས་མཐོང་ནས།། དད་པ་བརྟན་པོ་ཐོབ་པར་འགྱུར།། དེ་ཡི་བསམ་པ་མཁྱེན་ནས་སུ།། མི་མཆོག་རྣམས་ནི་ལུང་སྟོན་ཏོ།།
iiif viewer powered by OpenSeadragon
