| e-texts navigator |
| Wylie |
240b1 མཐག་ཏུ། བར་མ་ཆད་པར་གང་ལ་རྣམ་པར་སྨིན་པ་མྱོང་བར་འགྱུར་བ་མངོན་པའི་སེམས་ཀྱི་རྒྱུད་འབྱུང་ངོ་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས
240b2 དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ།། འདི་དག་ཐམས་ཅད་མིང་ཙམ་སྟེ།། འདུ་ཤེས་ཙམ་དུ་གནས་པ་ཡིན།། བརྗོད་པ་ལས་ནི་བཞིན་གྱུར་པ།།
240b3 བརྗོད་པར་བྱ་བ་ཡོད་མ་ཡིན།། མིང་ནི་གང་དང་གང་གིས་སུ།། ཆོས་རྣམས་གང་དང་གང་བརྗོད་པ།། དེ་ལ་དེ་ནི་ཡོད་མ་ཡིན།། འདི་ནི་ཆོས་རྣམས་ཆོས་ཉིད་དོ།། མིང་གིས་མིང་ཉིད་སྟོང་པ་སྟེ།།
240b4 མིང་ནི་མིང་གིས་ཡོད་མ་ཡིན།། མིང་མེད་པ་ཡི་ཆོས་རྣམས་ཀུན།། མིང་གིས་ཡོངས་སུ་བརྗོད་པར་བྱས།། ཆོས་རྣམས་འདི་དག་ཡོད་མིན་ཏེ།། རྟོགས་པ་ལས་ནི་ཀུན་ཏུ་འབྱུང་།། གང་གིས་སྟོང
240b5 པར་རྣམ་རྟོག་པ། ། རྟོག་པ་དེ་ཡང་འདི་ན་མེད།། མིག་གིས་གཟུགས་ནི་མཐོང་ངོ་ཞེས།། ཡང་དག་གཟིགས་པས་གང་གསུངས་པ།། འཇིག་རྟེན་ལོག་པའི་དང་ཅན་ལ།། ཀུན་རྫོབ་བདེན་པར་དེ
240b6 གསུངས་སོ། ། འཚོགས་ནས་མཐོང་ཞེས་གང་དག་ཏུ།། འདྲེན་པས་རབ་ཏུ་བསྟན་མཛད་པ།། དེ་ནི་དོན་དམ་གདགས་པའི་སར།། བློ་དང་ལྡན་པས་བཀའ་སྩལ་ཏོ།། མིག་གིས་གཟུགས་རྣམས
240b7 མི་མཐོང་ཞིང་། ། ཡིད་ཀྱིས་ཆོས་རྣམས་མ་རིག་པ།། དེ་ནི་བདེན་པ་མཆོག་ཡིན་ཏེ།། དེ་ལ་འཇིག་རྟེན་མི་དཔོགས་སོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཡུལ
iiif viewer powered by OpenSeadragon
