| e-texts navigator |
| Wylie |
238a1 ཕུང་པོ་དང་། འོད་འཕྲེང་དང་། གློག་གི་འོད་སྤྱན་རྣམ་པར་དག་པ་དང་། བྱམས་པ་དང་། མི་འཇིགས་མཛད་དང་། སྤྱན་རས་གཟིགས་དབང་ཕྱུག་དང་། མཐུ
238a2 ཆེན་ཐོབ་དང་། འཇམ་དཔལ་དང་། སྤོབས་པ་དཔའ་བོ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། སྤྱན་རས་གཟིགས་དང་། ཀུན་ཏུ་བཟང་པོ་དང་། དེ་དག་ལ་སོགས་པ
238a3 བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སླད་མའི་དུས་སླང་མའི་ཚེ། སྙིགས་མ་ལྔ་བབ་པ
238a4 ན། བདག་ཅག་གིས་མདོ་སྡེ་འདི་རྒྱས་པར་བགྱིའོ།། བཅོམ་ལྡན་འདས་གང་མདོ་སྡེ་འདི་ལ་མོས་པའི་སེམས་ཅན་དེ་ནི། ཡོངས་སུ་མྱ་ངན་ལས་འདས་པར་རིག་པར་བྱའོ།། བཅོམ་ལྡན
238a5 འདས་སེམས་ཅན་དགེ་བའི་རྩ་བ་མ་བསྐྱེད་པ་རྣམས་ཀྱི་རྣ་བར་མདོ་སྡེ་འདི་ཐོས་པར་མི་འགྱུར་ཏེ། གང་དག་རྒྱ་ཆེར་འཇུག་པ་དེ་དག་གི་ཡོན་ཏན་གྱི་མཐའ་ནི་བསྐལ་པ་བྱེ་བ་ཁྲག་ཁྲིག་བརྒྱ་ཕྲག་སྟོང་དུ
238a6 རྟོགས་པར་དཀའ་ལགས་སོ། ། དེ་ནས་བྱང་ཆུབ་སེམས་དཔའ་དེ་དག་ལ་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་དག་ལེགས་སོ་ལེགས་སོ།། དེ་ལྟར་ཁྱེད་རྣམས་ཀྱིས་བཅོམ་ལྡན་འདས་ཀྱིས
238a7 བསྟན་པ་ལ་གངོས་པ་འཛིན་པ་ལྟ་བར་གྱིས་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་དང་། ཐམས་ཅད་དང་ལྡན་པའི
iiif viewer powered by OpenSeadragon
