| e-texts navigator |
| Wylie |
237b1 ཚེ་རབས་གཞན་དུའང་མི་ཕམ་པས་ཡོངས་སུ་འཛིན་པར་འགྱུར་རོ།། དེའི་སྐྱེ་བ་རྒྱ་མཚོའི་ལྟ་བུ་བསྐམས་པ་ཡིན་ནོ།། བདུད་ཕམ་པར་བྱས་པ་ཡིན་ནོ།། ཉོན་མོངས་པ་བསད་པ་ཡིན་ནོ།།
237b2 ཆོས་ཀྱི་རྔ་ཤིན་ཏུ་བརྡུངས་པ་ཡིན་ནོ།། སྲིད་པ་གསུམ་རྣམ་པར་བཟློག་པ་ཡིན་ནོ།། ཕྱིར་རྒོལ་བ་རྣམས་ལས་ངེས་པར་རྒྱལ་བ་ཡིན་ནོ།། ཉོན་མོངས་པའི་ཚོགས་བཅོམ་པ་ཡིན་ནོ།། རིགས
237b3 ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲངས་མེད་པ་ཕྲག་བཅུའི་ཕྲ་རབ་ཀྱིས་རྡུལ་སྙེད་ཀྱི་བསྐལ་པར་དེ་བཞིན་གཤེགས་པ་ཐམས་ཅད་ལ་བདེ་བའི
237b4 ཡོ་བྱད་ཐམས་ཅད་ཀྱིས་བསྙེན་བཀུར་བྱས་ཀྱང་། དེ་བཞིན་གཤེགས་པའི་སྔོན་གྱི་རྣམ་པར་འཕྲུལ་པ་འདི་ཐོས་ནས་དད་པར་མི་བྱེད་ན། དེ་ཉེས་པ་ཆེན་པོ་ཡིན་ནོ།། དེ་བཞིན་གཤེགས་པའི་བཀས
237b5 རིགས་ཀྱི་བུ་དེ། དེ་བཞིན་གཤེགས་པ་ལ་རིམ་གྲོ་བྱས་པས་རིམ་གྲོར་བྱེད་པ་དང་། རིགས་ཀྱི་བུ་འམ། རིགས་ཀྱི་བུ་མོ་གང་གཞན་ཞིག་གིས་དེ་བཞིན་གཤེགས་པས་ཡང་དག་པར་བསྟན་པ
237b6 འདི་ཐོས་ནས། དད་ཅིང་སེམས་རབ་ཏུ་དང་བས་ལེགས་སོ་ཞེས་བྱ་བར་འབུལ་ན། གང་དེ་བཞིན་གཤེགས་པ་ལ་མཆོད་ཅིང་བསྙེན་བཀུར་བྱས་པ་དེ་བས་འདི་བསོད་ནམས་ཆེས་ལྷག་པར་བརྒྱ་ཕྲག་སྟོང
237b7 སོགས་པར་འགྱུར་རོ། ། དེ་ལྟ་བས་ན་རིགས་ཀྱི་བུ་གང་དག་ལ་སྐྱབས་སུ་སོང་བ་དེ་དག་གིས། མདོ་སྡེ་འདི་བྲི་བར་བྱ། བཅང་བར་བྱའོ།། དེ་ནས་བྱང་ཆུབ་སེམས་དཔའ་རྣམ་པར་རྒྱལ་བའི
iiif viewer powered by OpenSeadragon
