| e-texts navigator |
| Wylie |
234b1 བདེ་བར་གཤེགས་པ་མཐོང་ལགས་སོ།། རིགས་ཀྱི་བུ་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་འདི་ལ། ངས་ཁྱོད་ག་ལས་འོངས་ཞེས་དེ་སྐད་དྲིས་ནས། དེ་ཅང་མི་སྨྲ་བར་ཁ་རེག
234b2 འདུག་སྟེ། རིགས་ཀྱི་བུ་ངས་དོན་གྱི་དབང་འདི་མཐོང་ནས་འདིར་འཛུམ་པ་མཛད་དོ།། དེ་བཞིན་གཤེགས་པས་སྨྲས་པའི་ལན་དེ་ཅིའི་ཕྱིར་འདིས་མ་གསོལ་སྙམ་དུ་འཁོར་འདི་དག་ཐམས་ཅད་ཐེ
234b3 ཆོམ་དུ་གྱུར་ཏོ། ། རིགས་ཀྱི་བུ་ངས་སྨྲས་པའི་ལན་སྐྱེས་བུ་དམ་པ་འདིས་ཅིའི་ཕྱིར་མ་གསོལ་ཅེ་ན། འོང་བ་དང་འགྲོ་བ་མེད་པའི་ཆོས་རྣམས་ལ་བཅོམ་ལྡན་འདས་བདག་ལ་ཁྱོད་ག་ལས་འོངས་ཞེས་འོང
234b4 བམེད་པར་མཛད་དོ་སྙམ་མོ། ། ཆོས་ཐམས་ཅད་བརྗོད་དུ་མ་མཆིས་པར་ཡང་གློ་བར་ཆུད་ན་བཅོམ་ལྡན་འདས་ག་ལས་འོངས་ཞེས་བྱུང་བའི་གནས་ལ་བདག་གིས་གསེལ་བར་སྤྲོ་བ་མ
234b5 མཆིས་སོ་སྙམ་དུ་སེམས་ཏེ། རིགས་ཀྱི་བུ་མདོར་ན་རིགས་ཀྱི་བུ་འདིས་ཆོས་ཐམས་ཅད་བསྟན་ཏེ། ཡང་དག་པའི་ཆོས་སྟོན་པ་ཡིན་ནོ།། རིགས་ཀྱི་བུ་བྱང་ཆུབ་སེམས་དཔའ་རྣམ་པར་རྒྱལ་བའི
234b6 ཕུང་པོས་ཡི་གེ་མེད་པའི་ཆོས་དང་། ཚིག་མེད་པ་དང་། བརྗོད་དུ་མེད་པ་དང་། ཡི་གེ་དང་བྲལ་བ་དང་། མཚན་མ་མེད་པ་དང་། མཚན་མ་དང་བྲལ་བ་དང་། བླང་བ་མེད་པ
234b7 དང་། བླང་བ་དང་བྲལ་བ་དང་། འོང་བ་མེད་པ་དང་། མཐོང་བ་མེད་པ་དང་། གནས་མེད་པ་དང་། སེམས་དང་། ཡིད་དང་། རྣམ་པར་ཤེས་པ་དང་བྲལ་བ་དང་། རྒྱུ་རྐྱེན
iiif viewer powered by OpenSeadragon
