| e-texts navigator |
| Wylie |
234a1 འོད་ཟེར་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་རབ་ཏུ་འགྱེད་པ། སྐུའི་གཟུགས་དང་མདོག་གཟི་བརྗིད་ཀྱིས་འབར་བ་དེ་ལ། བྱང་ཆུབ་སེམས་དཔའ་འོད་འཕྲེང་གིས་འདི་སྐད
234a2 ཅེས་གསོལ་ཏོ། ། བཅོམ་ལྡན་འདས་བདག་གིས་ཆོ་འཕྲུལ་མང་པོ་མཐོང་ལགས་ཏེ། བདག་གིས་སྔོན་འོད་ཟེར་གྱི་སྣང་བ་འདི་ལྟ་བུ་ནམས་ཀྱང་མ་མཐོང་ལགས་སོ།། དེ་བཞིན་གཤེགས
234a3 པ་དེས་བཀའ་སྩལ་པ། འོད་འཕྲེང་ཕྱོགས་འདི་དེ་བཞིན་གཤེགས་པའི་འོད་ཟེར་གྱི་སྣང་བ་འདི་ལྟ་བུ་ཆུང་ངུ་ཞིག་མཛད་དེ། མཚན་མ་སྣང་བ་དེ་དག་ནི་རྒྱུ་མེད་པ་མ་ཡིན།། བྱེད་རྒྱུ་མེད་པ
234a4 མ་ཡིན་ནོ། ། འོད་འཕྲེང་ཁྱོད་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། ངས་ཁྱོད་ལ་བཤད་དོ།། དོན་གང་གི་ཕྱིར་ངས་འཛུམ་པ་མཛད་པ་ཐོས་ནས་ཀྱང་། རིགས་ཀྱི་བུ་ཁྱོད
234a5 ཀྱིས་སྐྲག་པར་མི་བྱ། དངང་བར་མི་བྱ། དངང་བར་འགྱུར་བར་མི་བྱ། སོམ་ཉིར་མི་བྱ། ཐེ་ཚོམ་དུ་མི་བྱའོ།། དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་ཡུལ་ནི་བསམ་གྱིས
234a6 མི་ཁྱབ་བོ། ། སྨོན་ལམ་ནི་བསམ་གྱིས་མི་ཁྱབ། རྣམ་པར་འཕྲུལ་པ་ནི་བསམ་གྱིས་མི་ཁྱབ་བོ།། དོན་དེ་དག་ཡང་དག་པར་མཐོང་ནས། ཐེ་ཚོམ་མ་བྱེད་ཅིག། འོད་འཕྲེང་གང་འདི་ལྟར
234a7 དེ་བཞིན་གཤེགས་པ་ཤཱཀྱ་ཐུབ་པས། ངའི་དྲུང་དུ་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་བཏང་བ་འདི་ཁྱོད་ཀྱིས་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ།།
iiif viewer powered by OpenSeadragon
