| e-texts navigator |
| Wylie |
145a1 ཕས་ཕམ་པ་བཅུ་ལྡན་པར་བྱས་ན། དབུགས་གང་ཙམ་ལ་ཁམས་འདི་དང་། ཁམས་གཞན་གྱི་མཚམས་མེད་པའི་སེམས་ཅན་དམྱལ་བ་དང་། ཕྱོགས
145a2 བཅུ་མ་ལུས་པ་ན། མཚམས་མེད་པའི་སེམས་ཅན་དམྱལ་བར་མ་ཕྱིན་པ་མེད་དོ།། སེ་གོལ་ཐབས་གཅིག་གཏོགས་པའི་སྲིད་གཅིག་ཆོས་ཀྱི་སྒོ་འདི་ཁྱེར་ཏེ། ཕྱི་མའི་བསྐལ་པ
145a3 མཐའ་མའི་ཚེ། མ་ལོབས་པ་ལ་འབྱུང་ཞིང་བསྟན་ན། མི་དེའི་ཁ་ན་མ་ཐོ་བའི་སྡིག་སེམས་ཀྱི་སྐད་ཅིག་ཙམ་གྱི་བར་དུ་ཚངས་ཤིང་འབྱུང་སྟེ། སེམས་ཅན་དམྱལ་བའི་སྡུག་བསྔལ
145a4 གྱི་རྒྱུ་ལས་ཐར་ནས། བདེ་བའི་ཞིང་དུ་སྐྱེས་པར་འགྱུར་ཏེ། བསོད་ནམས་ཐོབ་པ་ནི། སྔ་མའི་སྦྱིན་པའི་བསོད་ནམས་ཀྱི་བརྒྱའི་ཆ་དང་། སྟོང་གི་ཆ་དང་། འབུམ་ཕྲག
145a5 ཁྲིའི་ཆ་དང་། དེ་བཞིན་དུ་བརྩིས་དང་། གྲངས་དང་། དཔེའི་བར་དུ་བསྐྲུན་དུ་མེད་དོ།། དགའ་བོ་སེམས་ཅན་ལ་ལ་ཞིག་གིས་མདོ་སྡེ་འདི་ཁ་ཏོན་དུ་འདོན་ཅིང་སྔགས་འང་གཟུངས
145a6 སུ་བཟུང་ན། བསྐལ་པ་མི་ཟད་པའི་བར་དུ་ཡང་ངས་བཤད་པར་མི་ནུས་སོ།། ཁྱེད་རྣམས་ངས་བཤད་པའི་གཞུང་བཞིན་དུ་སྤྱོད་ན། བྱང་ཆུབ་གྲུབ་ཀྱི་བར་དུ་བདུད་ཀྱི་ལམ་ལས་ཐར་རོ།།
145a7 དེ་སྐད་ཅེས་བཀའ་སྩལ་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། འཇིག་རྟེན་གྱི་ལྷ་ཐམས་ཅད་དང་། ལྷ་མ་ཡིན་དང
iiif viewer powered by OpenSeadragon
