| e-texts navigator |
| Wylie |
144b1 པའི་དུས་ཐ་མ་ལ་སྤྱོད་པའི་མི་དག་ལ་ཡང་དག་པ་མ་ཡིན་པར་ཤེས་པར་སྟོན་ཅིག། སྐྱེ་ཤི་ལ་ཟབ་ཏུ་སྐྱོང་ཞིང་། ཁམས་གསུམ་ལ་མ་མོས་པར་མྱ་ངན་ལས་འདས་པ་ཡོད་པར་ཤེས་པར
144b2 གྱིས་ཤིག། དགའ་བོ་མི་ལ་ལ་ཞིག་གིས་ཕྱོགས་བཅུའི་ནམ་མཁའི་ཁམས་ཁྱབ་པར་རིན་པོ་ཆེ་སྣ་བདུན་གྱིས་བཀང་སྟེ། རྡུལ་ཕྲ་མོ་སྙེད་ཀྱི་སངས་རྒྱས་ཐམས་ཅད་ལ་བླ་མར་བྱས་ཏེ།
144b3 མཆོད་ཅིང་བསྙེན་བཀུར་བྱས་ནས། སེམས་དོན་མེད་པར་འདས་པར་མ་བྱས་ན། ཡིད་ལ་ཇི་སྙམ། མི་དེས་འདི་ལྟར་སངས་རྒྱས་ལ་ཕུལ་བའི་རྒྱུ་རྐྱེན་གྱི་བསོད་ནམས་ཐོབ་པ
144b4 མང་བ་ཡིན་ནམ། དགའ་བོས་གསོལ་པ། ནམ་མཁའ་མི་བས་པས། རིན་པོ་ཆེའི་མཐའ་ཡང་མ་མཆིས་སོ།། འདས་པའི་དུས་ན་མི་ཞིག་གིས་ཕ་མ་བདུན་གྱི་ཕྱིར་ལུས་བཏང
144b5 སྟེ། བཅོམ་ལྡན་འདས་ལ་ཡོན་ཕུལ་བས། འཁོར་ལོས་སྒྱུར་བའི་རྒྱལ་པོར་སྐྱེས་ན་ཡང་མངོན་སུམ་དུ་ནམ་མཁའི་ཁམས་ཀྱི་མཐར། སངས་རྒྱས་ཀྱི་ཞིང་བཀང་ཞིང་། ཁྱབ
144b6 པར་རིན་པོ་ཆེ་སོ་སོར་ཕུལ་བ་ནི། བསྐལ་པ་བས་ཀྱི་བར་དུ་ཡང་།། བསམ་པས་ཚད་བཟུང་མི་ནུས་ན། དེའི་བསོད་ནམས་ཀྱི་མཐའ་མཆིས་པ་ལྟ་ཅི་སྨོས། བཅོམ་ལྡན
144b7 འདས་ཀྱི། དགའ་བོ་ལ་བཀའ་སྩལ་པ། དགའ་བོ་དེ་བཞིན་གཤེགས་པ་སངས་རྒྱས་ཐམས་ཅད་ནི་བརྫུན་མི་གསུང་སྟེ། མི་ལ་ལ་ཞིག་གིས་ལུས་ཀྱི་ཕམ་པ་བཞི་དང
iiif viewer powered by OpenSeadragon
