| e-texts navigator |
| Wylie |
10b1 དཔལ་དེ་ནི་དེ་ལྟ་ལགས་ཏེ། བདག་གི་ལུས་འདི་ལ་ཕུང་པོ་དང་། ཁམས་དང་། སྐྱེ་མཆེད་དག་མངོན་པར་གྲུབ་པ་མ་ལགས་སོ།། འཇམ་དཔལ་གྱིས་སྨྲས་པ། སྲིང་མོ་འདི་ཇི་སྙམ་དུ་སེམས།། གཟུགས་ལ་སེམས
10b2 པའམ། རྣམ་པར་ཤེས་པ་ཡོད་དམ། བུ་མོས་སྨྲས་པ། འཇམ་དཔལ་དེ་ནི་མ་མཆིས་སོ།། འཇམ་དཔལ་གྱིས་སྨྲས་པ། སྲིང་མོ་བྱང་ཆུབ་ཀྱང་མི་སེམས་ཤིང་། རྣམ་པར་ཤེས་པ་མེད་དེ། སྲིང་མོ
10b3 དེའི་ཕྱིར་གཟུགས་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དོ། ། བྱང་ཆུབ་མཉམ་པ་ཉིད་ཀྱིས་གཟུགས་མཉམ་པ་ཉིད་དེ། སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ། ཁྱོད་ཉིད་བྱང་ཆུབ་བོ་ཞེས་སྨྲས
10b4 སོ། ། སྲིང་མོ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སེམས་པའམ། རྣམ་པར་ཤེས་པ་ཡོད་དམ། བུ་མོས་སྨྲས་པ། འཇམ་དཔལ་དེ
10b5 ནི་མ་མཆིས་སོ། ། འཇམ་དཔལ་གྱིས་སྨྲས་པ། སྲིང་མོ་བྱང་ཆུབ་ཀྱང་མི་སེམས་ཤིང་།། རྣམ་པར་ཤེས་པ་མེད་དེ། སྲིང་མོ་དེའི་ཕྱིར་རྣམ་པར་ཤེས་པ་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དོ།། །
10b6 བྱང་ཆུབ་མཉམ་པ་ཉིད་ཀྱིས་རྣམ་པར་ཤེས་པ་མཉམ་པ་ཉིད་དེ། སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་སོ།། སྲིང་མོ་གཞན་ཡང་གཟུགས་ནང་ངམ། ཕྱི་རོལ་ལམ
10b7 གཉིས་ཀ་མེད་པར་རམ། གཟུགས་འདི་སྔོན་པོ་འམ། སེར་པོ་འམ། དམར་པོ་འམ། དཀར་པོ་འམ། ལེ་བརྒན་ནམ། ཤེལ་དང་། དངུལ་གྱི་ཁ་དོག་གམ། ཡུལ་ན་གནས་པ་འམ། ཕྱོགས་ན
iiif viewer powered by OpenSeadragon
