| e-texts navigator |
| Wylie |
10a1 བརྗོད་པ་མེད་པ་དང་། ཡི་གེ་མེད་པ་དང་། ཕུང་པོ་དང་། ཁམས་དང་། སྐྱེ་མཆེད་དག་ལས་རྣམ་པར་གྲོལ་བ་དང་། སྤྱོད་པ་དང་། མཚན་མ་དག་དང་བྲལ་བ་དང་། ཉོན་མོངས
10a2 པ་མེད་པ་དང་། ཞི་བ་དང་། རབ་ཏུ་ཞི་བ་དང་། ཉེ་བར་ཞི་བ་ནི་བྱང་ཆུབ་ཅེས་བྱའོ།། དེ་སྐད་ཅེས་སྨྲས་ནས། ཡང་འཇམ་དཔལ་གཞོན་ནུར་གྱུར་པས། བུ་མོ་དེ་ལ་འདི་སྐད་ཅེས་སྨྲས་སོ།། སྲིད
10a3 མོ་ཁྱོད་བྱང་ཆུབ་ཏུ་སེམས་སྐྱེད་ཅིག་དང་། ངས་ཁྱོད་ལ་གོས་འདི་སྦྱིན་ནོ།། བུ་མོས་སྨྲས་པ། འཇམ་དཔལ་བྱང་ཆུབ་ཅེས་བགྱི་བ་དེ་གང་ལགས། འཇམ་དཔལ་གྱིས་སྨྲས་པ། སྲིང་མོ་ཁྱོད་ཉིད་བྱང
10a4 ཆུབ་ཡིན་ནོ། ། བུ་མོས་སྨྲས་པ། འཇམ་དཔལ་ཁྱོད་ཀྱིས་གསུངས་པའི་དོན་དེ་བདག་གིས་མ་འཚལ་ན། ཇི་ལྟར་བདག་བྱང་ཆུབ་ལགས། འཇམ་དཔལ་གྱིས་སྨྲས་པ། སྲིང་མོ་དེ་བཞིན་གཤེགས
10a5 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་པ་དེ། འདི་སྐད་དུ་འདི་ལྟར་ལུས་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དོ།། བྱང་ཆུབ་མཉམ་པ་ཉིད་ཀྱིས་ལུས
10a6 མཉམ་པ་ཉིད་དོ་ཞེས་ཆོས་སྟོན་ཏེ། སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་སོ།། སྲིང་མོ་འདི་ཇི་སྙམ་དུ་སེམས།། ཁྱོད་ཀྱི་ལུས་འདི་ལ་ཕུང་པོ་དང་། ཁམས་དང་། སྐྱེ་མཆེད་མངོན་པར་གྲུབ
10a7 པ་ཡོད་དམ། དེ་ནས་བུ་མོ་དེས་བསྟན་པ་འདི་ཐོས་ནས། དེ་སྔོན་གྱི་དགེ་བའི་རྩ་བའི་རྒྱུ་འཐུན་པས། ཆོས་ལ་སྣང་བ་སྐྱེས་པར་གྱུར་ཏེ། དེས་སྣང་བ་ཐོབ་ནས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ
iiif viewer powered by OpenSeadragon
