| e-texts navigator |
| Wylie |
367a1 འབྱུང་དང་། ། སྡུག་བསྔལ་ཡང་དྲག་འགོག་པ་དང་།། བདེ་ཞིང་མྱ་ངན་འདྲས་འགྲོ་བའི།། འཕགས་ལམ་ཡན་ལག་བརྒྱད་པ་ཡི།། འཕགས་པའི་བདེན་པ་བཞི་པོ་དག
367a2 ཤེས་རབ་ཀྱིས་ནི་ལེགས་མཐོང་འགྱུར། ། དེ་ནི་སྐྱབས་ཀྱི་གཙོ་བོ་དང་།། དེ་ནི་སྐྱངས་ཀྱི་མཆོག་ཡིན་ཏེ།། སྐྱབས་དེ་དག་ལ་བརྟེན་བྱས་ན།། སྡུག་བསྔལ་ཀུན་ལས་གྲོལ་བར་འགྱུར།།
367a3 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། མདོ་ཆེན་པོ་རྒྱལ་མཚན་དམ་པ་ཞེས
367a4 བྱ་བ་རྫོགས་སོ། ། ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་བར་མ་དང་། ཞུ་ཆེན་གྱི་ལོ་ཙ་བ་བན་དྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།།
367a5 རྒྱ་གར་སྐད་དུ། བི་མ་བྲི་སཱ་ར་པྲ་དཾ་ཏྱུད་ག་ནན་ནཱ་མ་མ་ཧཱ་སཱུ་ཏྲམ། བོད་སྐད་དུ། མདོ་ཆེན་པོ་གཟུགས་ཅན་སྙིང་པོས་བསུ་བ་ཞེས་བྱ་བ།
367a6 དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ནི། བཅོམ་ལྡན་འདས་དགེ་སློང་སྟོང་གི་དགེ་འདུན་ཆེན་པོ་ཐམས་ཅད་ཀྱང་སྔོན་རལ་པ་ཅན། ཐམས་ཅད་ཀྱང
367a7 དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས
iiif viewer powered by OpenSeadragon
